Ég vil ekki gleyma hruninu, aðdraganda þess og aðalleikendum í þeim harmleik. Það hins vegar vilja margir gera.

Gullfiskaminnið. Fyrir nokkrum dögum varð allt vitlaust vegna gerðardóms í launamálum lögreglumanna. Nú heyrist ekkert um það.

Fjölmörg mál rísa upp á háa C-ið, hljóðna síðan og gleymast. Á ótrúlega skömmum tíma. Bankasýslumálið hans Páls Magnússonar verður gleymt í byrjun næstu viku!

Ég get ekki gleymt hruninu, aðdraganda þess og aðalleikendum.

Vil ekki gleyma því.

Skrifa því stundum um það og tengd mál. Þá er mér oft núið um nasir að ég þjáist af einhverri þrálátri fortíðarhyggju, eigi að gleyma þessu og reyna að horfa fram á veginn!

Á ég að segja ykkur hverjir tala svona við mig?

Eru ekki allir á spenanum, beint eða óbeint?

Er Morgunblaðið, eða útgáfufélag þess, dæmigert einkafyrirtæki eða óbeint fjármagnað ríkisfyrirtæki?

Eru ekki reglur til þess að brjóta þær?

‎31 þúsund rjúpur? Ætli þær verði ekki nær 45 þúsundum?

Þjóðarsportið er að brjóta reglur.

Um magn á mann.

Um sölubannið.

Um veiðidagana.

Jafnvel veiðisvæðin.

Nákvæmt eftirlit með rjúpnaveiðum er óframkvæmanlegt, en nákvæmar leitir að villtum rjúpnaskyttum eru vel framkvæmanlegar.

Eins gott að þeir villist þá réttu megin við reglurnar!

Veiði leyfð á 31 þúsund rjúpum

Uppgjöf gagnvart sakamönnum, sem kerfið dekrar við, á kostnað þolenda gjörða þeirra

Dómskerfið. Hver fann upp skilorðsbundna dóma?

Hvers konar dómar eru það eiginlega?

Virka þeir ekki eins og rassskellingar fortíðarinnar?

Eingöngu til forherðingar þeirra sem brotið hafa af sér?

Ég fullyrði að slíkir dómar séu í 95% tilvika engir dómar.

Uppgjöf öllu fremur gagnvart sakamönnum, sem kerfið dekrar við, á kostnað þolenda gjörða þeirra.

Skilorðsbundið, er bara orðskrípi og tekur ekki á neinu.

Nema aðstöðuleysinu í fangelsum landsins.

Verður Bjarni Benediktsson næsti fjármálaráðherra? Fer Vigdís Hauksdóttir í menntamálin?

Má bjóða þér helmingaskiptastjórn D&B (Dánarbúsins)? Viltu vekja þann draug upp frá dauðum? Það gæti hæglega orðið möguleiki næst þegar kosið verður. Hér er hugmynd til að skoða með opnum huga að sjálfsögðu. Svona í framhaldi af umræðunum í gær.

Birkir Jón Jónsson viðskiptaráðherra,

Guðlaugur Þór Þórðarson velferðarráðherra,

Hanna Birna Kristjánsdóttir forsætisráðherra,

Einar Kristinn Guðfinnsson sjávarútvegs- og landbúnaðarráðherra,

Vigdís Hauksdóttir menntamálaráðherra,

Gunnar Bragi Sveinsson iðnaðarráðherra,

Bjarni Benediktsson fjármálaráðherra,

Eygló Harðardóttir umhverfisráðherra,

Ólöf Nordal innanríkisráðherra,

Sigmundur Davíð Gunnlaugsson utanríkisráðherra.

Þarf Ísland svona stjórn?

Mótmælin koma ekki á óvart

Heiður skal þeim sem heiður ber

Í mörg ár hef ég dáðst að einu í stjórn Reykjanesbæjar. Kemur kannski einhverjum á óvart, en það er hinn félagslegi þáttur og mikil viðleitni og mikill vilji til að gera þar vel.

Í kvöld setti Árni Sigfússon, bæjarstjóri, formlega af stað mikið átak innan þess ramma. Það hófst með Geðræktargöngu um götur Reykjanesbæjar, kyndlum og trumbuslætti, frá og að Björginni, geðræktarmiðstöð, sem mörgum hefur hjálpað. Endilega lesið meira um þessa góðu viðleitni: http://www.reykjanesbaer.is/ahugavert/forvarnir-og-heilsa

Allt fyrir aumingja?

Ef æstir áhorfendur á fótboltaleik kasta hlutum að leikmönnum, dómurum eða öðrum áhorfendum, eru þeir óðar handteknir og látnir svara til saka.

Ef æstir mótmælendur við þinghúsið taka upp slíka iðju, þá segist lögreglan ekki vilja raska friðnum með handtökum þeirra og einhvern yfirmann lögreglunnar heyrði ég lýsa því yfir að allt hefði farið vel fram á laugardaginn!

Hér er eitthvað mikið að!

Þá ofbeldismenn sem greina má á upptökum frá Austurvelli ber að handtaka og ákæra.

Allt annað er rakinn aumingjaskapur!

Ömurlegar ofsóknir í galdrabrennustíl

Þetta er ömurleg niðurstaða. Ennþá ömurlegri fyrir þá sök að hér er um Landsdóm að ræða, algjörlega óþarft og úrelt fyrirbrigði. Ömurlegast er þó að pólitískir andstæðingar Geirs skuli hafa handvalið hann til að standa í þessum sporum, en kosið að láta allt sitt fólk sleppa, rétt eins og ábyrgð þess sé engin. Ef fólk skammast sín ekki fyrir þetta hátterni, þá kann það ekki að skammast sín og slíkt fólk á ekkert erindi á löggjafarþinginu.

Breytir engu um málsmeðferðina

Frávísun?

Held að Landsdómurinn vísi máli Geirs Haarde frá dómi í dag. Hvernig í ósköpunum á að vera hægt að halda áfram með málið? Hvað á að sanna og hvernig? Kostnaðurinn við alla þessa vitleysu mun líklega falla á ríkissjóð. Almenning í þessu landi. Eins og flestir reikningar allrar vitleysunnar unfanfarin ár.

Tómar tunnur

Áríðandi tilkynning!

Ruslatunnur óskast á Austurvelli á morgun!

Fyrir mótmælendur!