Tímamótaályktun Sjálfstæðismanna

Þeir Sjálfstæðismenn sem hafa þegið háa styrki frá félögum eða notið fyrirgreiðslu sem ekki hafi staðið almenningi til boða eiga nú að sýna ábyrgð sína með þeim hætti að víkja úr þeim embættum sem þeir hafa verið kosnir til að gegna.

Ályktun þessa efnis var samþykkt á landsfundinum eftir að reynt hafði verið að sópa henni undir fjalir Laugardalshallarinnar. Flutningsmaður tillögunnar var séra Halldór Gunnarsson.

Nákvæmlega svona ályktun þurfa allir flokkarnir að samþykkja.

Hverjir eiga svo að fjúka? Hvar á að draga mörkin?

Hver fýkur fyrstur?

Forystumenn íhugi stöðu sína

Athugasemdir

[hilmar jónsson, 26.6.2010 kl. 16:58]

Ja ef Guðlaugur Þór tekur ekki fyrstur pokann sinn, þá eru þetta orðin tóm.

[Björn Birgisson, 26.6.2010 kl. 17:01]

Sjáum til!

[Eiríkur (IP-tala skráð) 26.6.2010 kl. 17:34]

Þeir sem halda að von sé um að Guðlaugur Þór og aðrir sem hafa verið styrktir af fyrirtækjum landsins undanfarin árin fari að segja af sér eru bjartsýnir.

"Eftir stutta umræðu um ályktunina var hún samþykkt."

Það er rétt verið að koma málinu að svo hægt sé að segja að þau hafi verið rædd. Annað er það ekki, og í raun er hægt að segja að málin hafi ekki verið rædd. Ef þessi flokkur væri ekki svona spilltur hefði verið saumað duglega að "styrktarþegum" að segja af sér, en þar sem formaður flokksins er allt of vel tengdur atvinnulífinu er það látið eiga sig. Það furðulega við þetta allt er að það virðist vera hrikalega  mikið af sjálfstæðisfólki á Íslandi í dag sem kýs hann þrátt fyrir allt þetta. 

[Viðar Freyr Guðmundsson, 26.6.2010 kl. 21:30]

Ég var ótrúlega óánægður með fundarstjórnina þarna í höllini.  Þarna var verið að reyna að sópa málum undir fjalir eða vísa til miðstjórnar eða þingflokks, eins og t.d. afgerandi ESB ályktun og svo þessari tillögu Halldórs, hvort tveggja mál sem mikill meirihluti var fyrir. 

 Svo var hollvinum stjórnarinnar og formanni hleypt í ræðupúltið á óviðeigandi tímum s.s. í miðri atkvæðagreiðslu eftir að umræðum var lokið til að koma að sínum skoðunum og hafa áhrif á landsfundinn.  En landsfundurinn lét ekki yfir sig ganga, ánægður með það.

[Björn Birgisson, 26.6.2010 kl. 21:47]

Viðar Freyr Guðmundsson, takk fyrir þitt innlit og að tjá þig hér á þessari aumu síðu. Að heyra frá innanbúðarmanni er mikilvægt. Við skulum alltaf vænta þess að réttlætið sigri að lokum. Betur getum við ekki gert.