Ef orð standa er Sjálfstæðisflokkurinn að klofna

"Viðbótin hljóðaði svo: „Sjálfstæðisflokkurinn setur fram þá skýru kröfu að umsókn um aðild Íslands að Evrópusambandinu veðri dregin til baka án tafar."

Þessi viðbót var samþykkt á landsfundinum.

Þar með samþykkti landsfundurinn að klofningur flokksins væri óumflýjanlegur, en því hafði afar skýrt verið lýst yfir fyrir fundinn, að samþykkt í þessa veru væri algjörlega óásættanleg fyrir þann minnihluta í flokknum sem vill ræða við ESB um inngöngu okkar Íslendinga í báknið.

Hvað gerir sá minnihluti nú?

Hvað gerir Sveinn Andri Sveinsson og hans skoðanabræður og systur?

Stendur þetta fólk við orðin sín eða lyppast það niður og lætur traðka á sér og sínum skoðunum?

Gengur þetta fólk til liðs við Samfylkinguna eða stofnar það nýjan stjórnmálaflokk?

Kannski skortir það þor og dug til að gera nokkurn skapaðan hlut, annan en þann að rífa svolítinn kjaft til að vekja á sér athygli.

Það er líklegast.

Vilja draga umsókn til baka

Athugasemdir

[Axel Jóhann Hallgrímsson, 26.6.2010 kl. 20:13]

Ætli þei líði ekki best með að láta aðra um hitann og svitann en eigna sér svo sigurinn að leik loknum. Yrði ekki í fyrsta sinn....

[Björn Birgisson, 26.6.2010 kl. 20:13]

Kannski

[Gísli Ingvarsson, 26.6.2010 kl. 20:48]

Það er athyglisvert að Sjálfstæðisflokkurinn eða sjá Ósjálfstæði hluti hans hefur ætlað sér að hoppa fram fyrir úrslit skoðankannana sem sína að aðildarumsóknin sé óvinsæl um þessar mundir. Mér finnst líklegt að það geti haft öfug áhrif. Það verður langt þangað til meirihluti þjóðarinnar fylgi sér á bak við spillingarflokkinn. Núna er tíminn til að stofna nýjan hægri flokk því sá gamli er búinn að missa sig yfir í póulisma og og óábyrga utanríkisstefnu. Þjóðin verður náttúrulega að hafa hægri flokk til að styðja ef hana langar til.

[Gísli Ingvarsson, 26.6.2010 kl. 20:53]

Það er athyglisvert að Sjálfstæðisflokkurinn eða Ósjálfstæði hluti hans hefur ætlað sér að hoppa fram fyrir úrslit skoðankannana sem sýna að aðildarumsóknin sé óvinsæl um þessar mundir. Mér finnst líklegt að það geti haft öfug áhrif. Það verður langt þangað til meirihluti þjóðarinnar fylgi sér á bak við spillingarflokkinn. Núna er tíminn til að stofna nýjan hægri flokk því sá gamli er búinn að missa sig yfir í pópulisma og og óábyrga utanríkisstefnu. Þjóðin verður náttúrulega að hafa alvöru hægri flokk.

[Björn Birgisson, 26.6.2010 kl. 21:03]

Gísli segir: "Þjóðin verður náttúrulega að hafa hægri flokk til að styðja ef hana langar til."

Því er ég sammála, því þjóðarviljinn er fyrir öllu.  Ef ESB sinnar í Sjálfstæðisflokknum eru menn orða sinna mun bjóðast nýr valkostur.

Hefur þú trú á því, lesandi góður?

Ekki hef ég þá trú.

[Sigmar Þormar, 26.6.2010 kl. 23:27]

Björn. Þér er aldeilis umhugað um sjálfstæðisflokkinn. Óflokksbundinn maðurinn alla tíð eins og kemur fram í höfundarlýsingu þinni. Flestum okkar er hinsvegar slétt sama um innri vanda þess flokks.

Nýtt og öflugt fólk virðist hinsvegar hugsa skýrt er kemur að utanríkismálum okkar og nýtingu orkuauðlinda. Burt með ESB inngönguferli okkar. Burt með þetta örvæntingarútskil Samfylkingar.

Stórt hrós til sjálfstæðisflokksins.

[Guðmundur Ásgeirsson, 27.6.2010 kl. 00:24]

Ég spái því að þau gangi í hinn öfgasinnaða hægriflokkinn: Samfylkinguna.

[Viðar Freyr Guðmundsson, 28.6.2010 kl. 03:11]

Sé ekki að Sjálfstæðisflokkurinn ætti að klofna frekar en aðrir flokkar.  Það er mun meiri ágreiningur um ESB málið í öðrum flokkum.