Algjör skandall

"Fullkomlega löglegt mark Englands gegn Þýskalandi í 16-liða úrslitunum á HM í knattspyrnu í dag var ekki dæmt gilt."

Þetta er skrifað í hálfleik.

Eins gott að Englendingar tapi ekki leiknum með eins marks mun.

Það alveg með ólíkindum að í fótbolta, hvað þá á HM, skuli allri aðstoð tækninnar vera hafnað. Nokkrum sekúndum eftir þetta frábæra þrumuskot vissi öll heimbyggðin að markið átti að standa.

Dómaratríóið eitt vissi það ekki.

Þvílík vitleysa. Algjör skandall.

 

Löglegt mark Englands ekki viðurkennt

Athugasemdir

[Úlfur Karlsson (IP-tala skráð) 27.6.2010 kl. 16:05]

Hvaða rugl er þetta þjóðverjar voru miklu skemmtilegri og betri.

[Torfi Stefánsson (IP-tala skráð) 27.6.2010 kl. 16:14]

Tek undir þetta með Birni. Það er algjör skandall að markið hafi ekki verið tekið gilt.

Þetta sýnir svo auðvitað að nú er ekki hægt að komast hjá því að hafa eftirlitsmyndavélar við mörkin eins og margoft hefur verið talað um. Þeir einu sem munu vera andvígir því eftir þennan leik er hinn gjörspillti forseti FIFA og svo hinn "ungi og graði" Hjörvar Hafliðason.

Það er kominn tími til að stokka upp innan FIFA til að losna við spillingarstimpilinn sem loðir við sambandið og þennan skemmtilega leik. Auk þess við ég losna við hinn fullyrðingaglaða Hjörvar úr sjónvarpinu. Leiðinlegri montrass hef ég aldrei séð á ævinni.

[Björn Birgisson, 27.6.2010 kl. 16:23]

Úlfur, Þjóðverjar eru með frábært lið og unnu verðskuldað. Mér finnst bara að þegar löglegt mark er skorað eigi það að standa. Sé dómarinn í algjörum vafa á hann að stöðva leikinn og fá réttar upplýsingar í eyrað. Það tekur aðeins nokkrar sekúndur. Enginn getur sagt til um hvernig þessi leikur hefði þróast hefði þetta fallega mark fengið að standa.

[Ómar Geirsson, 27.6.2010 kl. 21:58]

Blessaður Björn.

Mig langar að bæta við að betra lið þarf ekki alltaf að vinna.

Stundum má liðið manns líka vinna.

Kveðja að austan.

[Björn Birgisson, 27.6.2010 kl. 22:18]

Ómar minn, betra liðið á alltaf að vinna. Enginn afsláttur gefinn af því!

[Ómar Geirsson, 27.6.2010 kl. 22:36]

Úfh, Þú hefur greinilega ekki haldið með Þrótti Neskaupstað.

En ég ætti að fá þig til  að útskýra þetta fyrir strákunum, þeir telja að betri mennirnir eigi alltaf að vinna.

Kveðja að austan.

[Björn Birgisson, 27.6.2010 kl. 22:50]

Ómar minn, ég á góðar minningar að austan af baráttu Leiknis frá Fáskrúðsfirði við Nobbarana, bæði sem þjálfari og leikmaður. Okkur tókst stundum að stríða þeim all nokkuð!