Nú skulu samkynhneigðir láta af lífsmátanum og fylgja Jesú Kristi!

Nú eru hinir sannkristnu í þjóðarsálinni og vandlætingarmenn samtímans að skríða úr holum sínum einn af öðrum.Tilefnið er að sjálfsögðu hjónabönd samkynhneigðra, sem er þeim mun meiri þyrnir í augum en til dæmis bankahrunið fyrir tveimur árum og öll spillingin þar, að ég ekki nefni nú margendurtekið kynferðissukk þjóna kirkjunnar bæði í katólskum og lútherskum sið sem margoft er í fréttum. Það er mikil skömm að því að hér skuli ekki vera glögg skil á ríki og kirkju, en við það verðum við víst að búa enn um sinn.

Snorri Óskarsson í Betel skrifaði eftirfarandi texta á bloggið sitt:

"Biskupinn, forseti Hins íslenska Biblíufélags hefur verið álitinn talsmaður bókar bókanna og jafnframt stuðningsmaður þess sem þar stendur. Reyndar hefur hann borið kápuna á báðum herðum unanfarin ár en nú þessa dagana sést að hann gegnur fram afsakandi sjálfan sig og afsakandi boðskap Biblíunnar. Sá boðskapur segir nefnilega að kynvillan erfir ekki Guðs ríkið og hún verður ekki blessuð af Guði.
Því miður þá er allvega sama hvaða lög Alþingi setur eða biskup samþykkir það eyðir ekki alvarleika þess að Guð hefur líst óánægju sinni yfir lífsmátann sem stundaður er meðal samkynhneigðra. Aðeins ein leið er fær fyrir samkynhneigða til blessunar og hún er sú að gera iðrun, snúa við, láta af lífsmátanum og fylgja Jesú Kristi.
Það er nákvæmlega þetta sem kirkjan átti að láta hljóma í dag en í stað þess hefur hún svikið þennan hóp og blekkt fyrir honum alvarlegar afleiðingar misgjörðanna því mun þjóðkirkjan ekki sleppa undan dómi Guðs tyftun hans og straffi. Ég þakka Guði fyrir að tilheyra ekki samkundu blekkingameistara en nota guðfræðina til að ljúga en hafna Biblíunni sem orði Guðs til hjálpræðis, hverjum þeim sem trúir. 2.Tímóteusarbréf 3: 16 er orð dagsins í dag!" (Leturbreytingar eru BB)

Hvað sögðu ekki Farísearnir. Guð við þökkum þér fyrir að við erum ekki eins og ...................

Nú eru samkynhneigðir aldeilis komnir í vond mál!

Nú þurfa þeir að gera iðrun, snúa við, láta af lífsmátanum og fylgja Jesú Kristi segir Snorri.

Eða bara hlæja sig máttlausa!

Sem væri nærri lagi!
 

Athugasemdir

[ASE (IP-tala skráð) 28.6.2010 kl. 01:04]

Finnst alltaf jafn merkilegt að rekast á, í því sem kallast "upplýst samfélag", viðhorf sem mér finnst hrein fornaldarviðhorf.  Hins vegar langar mig að fá svör við neðangreindu frá öllu "sann" trúuðu fólki (kristnu, kaþólsku, múslimsku, búddísku, etc), það er:

EF Guð skapaði manninn (og konuna) þá hlýtur hann að hafa skapað líka samkynhneigða menn (og konur), ekki satt?

EN ef hann skapaði þau ekki, hvað kemur "honum" þá málið yfirhöfuð við :-o

[Óskar Helgi Helgason (IP-tala skráð) 28.6.2010 kl. 01:16]

Heill og sæll; Björn minn - sem og, þið önnur, hér á síðu hans !

Um leið; og ég vil samfagna samkynhneigðu fólki, í að nálgast þau réttindi, sem við gagnkynhneigð höfum setið að, allt of lengi, ein og sér, má ég til, að leiðrétta meinlega villu, í þinni ágætu grein, hér, að ofan.

Snorri Óskarsson; sá mæti Betel frömuður, fer hindrunarlaust hjá þér, í gegn með tal sitt, um bók bókanna.

Bók bókanna; er EDDA, Snorra frænda míns Sturlusonar, um sköpunar sögu Heimsins, eftir túlkun heiðinna manna (Ásatrúarmanna), svo; til haga sé haldið.

Fyrir nú utan; að vera margfalt skemmtilegri aflestrar, en Biflían, sunnan úr Mið- Austurlöndum - ykkur; að segja.

Hins vegar; gæti Biflían verið einhvers staðar, á eftir Veda bókum Hindúa - sem og öðrum gömlum og góðum ritum, í bóka röð veraldarinnar. 

Með beztu kveðjum; sem jafnan /

Óskar Helgi Helgason 

[Klukk, 28.6.2010 kl. 01:19]

Fyrst þú ert að spyrja, þá langar mig að vita í leiðinni hver skapaði eiginlega marhnúta? Ef það var Guð, þá til hvers?

[Predikarinn - Cacoethes scribendi , 28.6.2010 kl. 01:29]

Sæll.

Mér þykir þú illa að þér að vita ekki að það er nánast alger aðskilnaður orðinn fyrir margt löngu á milli Þjóðkirkjunnar og ríkisins.

[hilmar jónsson, 28.6.2010 kl. 01:31]

Úr því við erum farin að spyrja flókinna spurninga, þá vil ég ítreka spurningu Helga heitins Hóseassonar: Hver skapaði Sýkla ?

[Klukk, 28.6.2010 kl. 02:17]

Það vita nú allir að Kári Stefáns skapaði sýklana. En hver eru réttindi marhnútanna, burtséð frá því hver skapaði þá?

[Jón Steinar Ragnarsson, 28.6.2010 kl. 08:26]

Ég get frætt þig um minn kæri að Jesú þessi var aldrei til.  Ef þú kýst að eyða ævi þinni og móta vðhorf þín eftir uppspuna, þá get ég ekki annað en aumkast yfit þig.  þeir sem bera þessi fornalarviðhorf sín á torg, hafa eitthvað að fela.  Hvað ert þú að breiða yfir?

[Björn Birgisson, 28.6.2010 kl. 10:07]

Jón Steinar, lastu ekki færsluna?