Hvernig kemst lið neðar á vellinum?

Íþróttaspekingar fjölmiðlanna eru alltaf að segja okkur öllum frá því sem við sjáum með berum augum í sjónvarpinu. "Siggi sendir á Nonna, sem missir boltann út af og þá fær hitt liðið innkast." Svo eru þeir líka gáfulegir stundum. Stundum um of.

Svo er okkur alloft sagt að lið liggi neðarlega á vellinum og mætti gjarnan færa sig ofar á völlinn og sækja meira. Síðast þegar ég vissi var knattspyrnuvöllurinn marflatur og aðeins hið grasi gróna yfirborð hans notað í leiknum, ekkert neðar og ekkert ofar. Knattspyrnuvöllur er ekki lagkaka.

Mín vegna mættu liðin á HM liggja framar á vellinum og sækja meira, pressa meira á andstæðinginn á hans eigin vallarhelmingi, því þá verður meira fjör í leiknum. Því virðast þau ekki þora. Fyrir vikið verður leikurinn óttalegt dútl í kring um miðjusvæðið og boltinn þar mest allan leikinn.

Það sem ég hef séð til HM hefur valdið mér vonbrigðum. 

Öruggur sigur Brasilíu á Chile

Athugasemdir

[Íþróttaspekingur (IP-tala skráð) 28.6.2010 kl. 19:25]

Frá markverði sækjandi eða varnar-liðsins séð, liggur liðið "neðar" þegar það er nær markverði sínum, og framar því lengra frá markverði eigin liðs liðið er.

[Björn Birgisson, 28.6.2010 kl. 19:34]

Íþróttaspekingur, ertu nokkur íþróttaspekingur?

[Björn Birgisson, 28.6.2010 kl. 19:49]

Brassarnir eru fjandi góðir þótt Sókrates, Zico og Pele séu ekki í liðinu!