Stórhöfði næst?

Miklatún aftur orðið Klambratún samkvæmt tillögu Jóns Gnarr borgarstjóra sem var samþykkt samhljóða í borgarstjórn Reykjavíkur.

Af þessari tillögu má ráða að nú sé besti flokkurinn heldur betur farinn að láta til sín taka í stóru málunum og fastlega má vænta annarra nafnabreytinga innan tíðar. Kannski verður Höfði að Stórhöfða? Tjörnin að Pollinum? Ráðhúsið að Óráðshúsi? Kannski Óráðsíuhúsi?

Klambratún að nýju

Athugasemdir

[Sævar Helgason, 8.7.2010 kl. 17:12]

Við sem munum tímana tvenna í henni Reykjavík höfum þurft að þýða orðið Miklatún yfir á gamla bæjarmálið - Klambratún. Kennt við bæinn Klambra sem stóð þarna og túnið dregur nafn sitt af.  Þessari endurheimtu forna verðmæta er fagnað.

[Finnur Bárðarson, 8.7.2010 kl. 17:27]

Mér hugnast "Big Head" og auðvitað síðasta tillagan þín Björn :)

[Aðalsteinn Agnarsson, 8.7.2010 kl. 17:34]

Björn, aðeins til einn stórhöfði.

[H.T. Bjarnason (IP-tala skráð) 8.7.2010 kl. 18:03]

Mér finnst þessi nafnabreyting hið besta mál.  Hef aldrei skilið þetta nafn "Miklatún."

[Árni Gunnarsson, 8.7.2010 kl. 18:11]

Sú var tíð að Klambratún þótti ófínt!

[Björn Birgisson, 8.7.2010 kl. 18:20]

Árni og þið hinir góðu gestir, oft er talað um klambur í smíðum, en hvað þýðir Klambratún?

[Björn Birgisson, 8.7.2010 kl. 18:22]

Sé hjá Sævari að það var kennt við bæinn Klambra. Hvað þýðir það bæjarnafn?

[Björn Birgisson, 8.7.2010 kl. 18:26]

Annað. Af hverju heitir Austurvöllur sínu nafni? Þarf ekki Jón Gnarr að breyta því?

[Hólmfríður Pétursdóttir, 8.7.2010 kl. 18:59]

Hét ekki bærinn Klömbrur? Sem er torf skorið á þann hátt sem notað er í vegghleðslur a.m. k. norðan lands.

[Björn Birgisson, 8.7.2010 kl. 19:17]

Hólmfríður, hefði þá ekki túnið verið nefnt Klömbrutún? Þakka þér þitt innlit!

[Fríður Birna Stefánsdóttir (IP-tala skráð) 8.7.2010 kl. 19:27]

Bærinn hét Klambrar, þar var móðir mín í sveit hjá Christensen hjónunum. En ekki veit ég hvað það þýðir.

[Björn Birgisson, 8.7.2010 kl. 19:32]

Þakka þér, Fríður Birna.

[valdimar (IP-tala skráð) 8.7.2010 kl. 21:26]

Klambra, klömbruhnausar sniðnir með skásniði í eina átt, næsta röð fyrir ofan skásniðin í gagnstæða átt. Þanni voru gaflar torfveggja líklegri til að aflagast ekki  með tímanum.http://www.skagafjordur.is/upload/files/c%20VII-Torf%20til%20bygginga.pdf

[Björn Birgisson, 8.7.2010 kl. 22:14]

Takk fyrir þetta, Valdimar.

[Kári Emil Helgason (IP-tala skráð) 9.7.2010 kl. 13:04]

Austurvöllur heitir svo því hann er við Austurstræti og austan meginn við gömlu Reykjavík. Aðalstræti er elsta gatan og bærinn byggðist fyrst upp vestan við það. Á þessum tíma var Lærði skólinn til dæmis utan við kaupstaðinn.

[Björn Birgisson, 9.7.2010 kl. 13:21]

Kærar þakkir, Kári Emil.