Stórhöfði næst?

8.7.2010 | 16:50

Miklatún aftur orðið Klambratún samkvæmt tillögu Jóns Gnarr borgarstjóra sem var samþykkt samhljóða í borgarstjórn Reykjavíkur.

Af þessari tillögu má ráða að nú sé besti flokkurinn heldur betur farinn að láta til sín taka í stóru málunum og fastlega má vænta annarra nafnabreytinga innan tíðar. Kannski verður Höfði að Stórhöfða? Tjörnin að Pollinum? Ráðhúsið að Óráðshúsi? Kannski Óráðsíuhúsi?

	Klambratún að nýju
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 17:01 | Facebook

Athugasemdir

Við sem munum tímana tvenna í henni Reykjavík höfum þurft að þýða orðið Miklatún yfir á gamla bæjarmálið - Klambratún. Kennt við bæinn Klambra sem stóð þarna og túnið dregur nafn sitt af. Þessari endurheimtu forna verðmæta er fagnað.

Sævar Helgason, 8.7.2010 kl. 17:12

Mér hugnast "Big Head" og auðvitað síðasta tillagan þín Björn :)

Finnur Bárðarson, 8.7.2010 kl. 17:27

Björn, aðeins til einn stórhöfði.

Aðalsteinn Agnarsson, 8.7.2010 kl. 17:34

Mér finnst þessi nafnabreyting hið besta mál. Hef aldrei skilið þetta nafn "Miklatún."

H.T. Bjarnason (IP-tala skráð) 8.7.2010 kl. 18:03

Sú var tíð að Klambratún þótti ófínt!

Árni Gunnarsson, 8.7.2010 kl. 18:11

Árni og þið hinir góðu gestir, oft er talað um klambur í smíðum, en hvað þýðir Klambratún?

Björn Birgisson, 8.7.2010 kl. 18:20

Sé hjá Sævari að það var kennt við bæinn Klambra. Hvað þýðir það bæjarnafn?

Björn Birgisson, 8.7.2010 kl. 18:22

Annað. Af hverju heitir Austurvöllur sínu nafni? Þarf ekki Jón Gnarr að breyta því?

Björn Birgisson, 8.7.2010 kl. 18:26

Hét ekki bærinn Klömbrur? Sem er torf skorið á þann hátt sem notað er í vegghleðslur a.m. k. norðan lands.

Hólmfríður Pétursdóttir, 8.7.2010 kl. 18:59

Hólmfríður, hefði þá ekki túnið verið nefnt Klömbrutún? Þakka þér þitt innlit!

Björn Birgisson, 8.7.2010 kl. 19:17

Bærinn hét Klambrar, þar var móðir mín í sveit hjá Christensen hjónunum. En ekki veit ég hvað það þýðir.

Fríður Birna Stefánsdóttir (IP-tala skráð) 8.7.2010 kl. 19:27

Þakka þér, Fríður Birna.

Björn Birgisson, 8.7.2010 kl. 19:32

Klambra, klömbruhnausar sniðnir með skásniði í eina átt, næsta röð fyrir ofan skásniðin í gagnstæða átt. Þanni voru gaflar torfveggja líklegri til að aflagast ekki með tímanum.http://www.skagafjordur.is/upload/files/c%20VII-Torf%20til%20bygginga.pdf

valdimar (IP-tala skráð) 8.7.2010 kl. 21:26

Takk fyrir þetta, Valdimar.

Björn Birgisson, 8.7.2010 kl. 22:14

Austurvöllur heitir svo því hann er við Austurstræti og austan meginn við gömlu Reykjavík. Aðalstræti er elsta gatan og bærinn byggðist fyrst upp vestan við það. Á þessum tíma var Lærði skólinn til dæmis utan við kaupstaðinn.

Kári Emil Helgason (IP-tala skráð) 9.7.2010 kl. 13:04

Kærar þakkir, Kári Emil.

Björn Birgisson, 9.7.2010 kl. 13:21

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Björn Birgisson

Höfundur

Björn Birgisson

Er Ísfirðingur, búsettur í Grindavík síðan 1975, óflokksbundinn alla tíð, en áhugasamur um þjóðmál, smærri sem stærri. Afrekaskráin mín í lífinu er vel varðveitt leyndarmál. Er þó tvöfaldur einherji, þrátt fyrir 18 í forgjöf! Ef mikið liggur við er síminn minn 692-8060.