Er ekki Doddi bara Dabbi?

"Elías Jón Guðmundsson, aðstoðarmaður menntamálaráðherra, segist ekki skilja hvernig tölvupóstur, þar sem hann lýsir því hvernig hægt sé að „spinna" atburðarrás fyrir blaðamannafund ríkisstjórnarinnar í dag barst úr tölvunni hans.

„Í fyrsta lagi var þetta ókláraður póstur sem ég sendi aldrei, ég skil ekki hvernig hann komst úr tölvunni, þetta var bara draft sem ég var með í vinnslu," segir Elías sem er í fæðingarorlofi um þessar mundir.

„Kannski sonur minn hafi hamrað á lyklaborðið hjá mér," bætir hann reyndar við.

Stórmannleg yfirlýsing eða hitt þó heldur. Eiga syndir feðranna að bitna á börnunum? (Innskot BB)

Það var vefurinn Grapevine.is sem greindi fyrst frá málinu.

Athygli hefur vakið að Elías notar orðið „tussufínt" í póstinum. Hann segist vera í samskiptum við blaðamann sem vilji „skúbb" og segir: „Það er spurning hvernig við prjónum þetta" til að fókuspunktur fjölmiðla sé réttur.

„Þetta átti nú að vera svar við pósti sem ég fékk með yfirlýsingu ríkisstjórnarinnar í dag. Og mér fannst það bara tussufín niðurstaða. Og svo var spurning hvernig við myndum prjóna þetta, hvernig við áttum að kynna blaðamannafundinn og niðurstöðuna."

Elías segist hafa ætlað að bera undir samstarfsmann beiðni blaðamanns (sem í póstinum er nefndur Doddi) um að fá fyrirfram upplýsingar. „Þetta er nú ekki meiri spuni en það, oft eru fókuspunktar búnir til með fréttatilkynningum, menn setja fókus á það sem þeir vilja að mest sé tekið eftir. Þarna var ekki verið að afhenda skjöl eða eitthvað slíkt heldur einfaldlega að gefa smá innsýn í hvað væri í vændum." segir visir.is

Er ekki Doddi bara Dabbi?

Flest er nú gert til að blekkja og afvegaleiða fólk. Hér er lýst vinnubrögðum sem skömm er að í alla staði. Er allt svona í pólitíkinni?

Þá er nú betra að vera bara í golfi.

Ekkert óeðlilegt við tölvupóst

Athugasemdir

[hilmar jónsson, 27.7.2010 kl. 20:07]

Það skyldi þó ekki vera..En er ekki verið að gera svolítið mikið úr afskaplega litlu ?

Varstu ekki annars ánægður með okkar mann í Kastljósinu í kvöld, Björn ?

[Simmi Freyr (IP-tala skráð) 27.7.2010 kl. 20:17]

Er þetta ekki maðurinn sem var liðsforingi í stormsveitum VG í Búsáhaldabyltingunni?

Og fékk hann svo ekki að launum velborgað starf á ríkisjötunni sem blaðafulltrúi Steingríms og síðar aðstoðarmaður ráðherra Katrínar Jakobs?

[Grímur (IP-tala skráð) 27.7.2010 kl. 20:19]

Einusinni hafði ég álit á Steingrími

nú finnst mér hann ekki opna munnin án þess að ljúga blákalt að manni

[Björn Birgisson, 27.7.2010 kl. 20:23]

Hilmar, sá ekki Kastljósið. Var að horfa á konuna mína!

[Björn Birgisson, 27.7.2010 kl. 20:25]

Grímur, Steingrímur kann ekki að ljúga, geri hann það er það bara alveg óvart! Ég kann að ljúga, en geri það bara þegar nayðsynlega þarf!

[hilmar jónsson, 27.7.2010 kl. 20:45]

Ja hér..Kom eitthvað upp á ?

[Kristinn Karl Brynjarsson, 27.7.2010 kl. 21:09]

Björn ég get upplýst þig með því að "Doddi" er að öllum líkindum Þórður Snær, blaðamaður Viðskiptablaðsins.

[Birgir Guðjónsson (IP-tala skráð) 27.7.2010 kl. 21:13]

Ofan á aumingjaskpa sinn, þá kemur í ljós að hann er að VINNA í fæðingarorlofinu ???

Ekki reyna að segja mér að svona blóðsuga sé kauplaust að senda tölvupósta !

Ætli skatt mann viti af þessari tvöföldu vinnu Elíasar ?

[Björn Birgisson, 27.7.2010 kl. 21:15]

Kristinn, gat nú verið að Viðskiptablaðið stæði framar en Mogginn minn! Hann er að verða óttalega hægfara og svifaseinn!

[Björn Birgisson, 27.7.2010 kl. 21:17]

Birgir, skattmann væri algjörlega blindur ef ekki kæmu til gleraugun þín! Góður punktur!

[Björn Birgisson, 27.7.2010 kl. 21:23]

Hilmar, hún er bara svo falleg, ég þreytist aldrei á að horfa á hana , og líka að ..................... og þetta hefur varað frá 12 ára aldri! Engin ríkisstjórn hefði lifað svo lengi! Ingibjörg er frábær húsbóndi á mínu heimili!

[hilmar jónsson, 27.7.2010 kl. 21:32]

Gott að heyra...