Dýrt verkfall?

"Haft var eftir Gísla í fréttum Ríkisútvarpsins, að samkvæmt skýrum dómum Hæstaréttar sé verkfallsvarsla, sem bitni á neytendum, bótaskyld."

Ég geri heldur ráð fyrir því að glöggur maður eins og Gísli Tryggvason, talsmaður neytenda í landinu, viti hvað hann syngur. Hann færi ekki að vitna til einhvers dóms Hæstaréttar nema vera alveg viss í sinni sök.

Talsmenn Flugfélags Íslands hafa talað um að tjónið hlaupi á einhverjum milljónum og einhverju hafa farþegarnir tapað beint og óbeint.

Fara þá væntanlegar launahækkanir að mestu í að greiða stríðskostnaðinn?

Ólögleg verkfallsvarsla

Athugasemdir

[Axel Jóhann Hallgrímsson, 14.8.2010 kl. 15:10]

Ef túlkun og fullyrðingar Gísla eru réttar, þá eru verkföll með öllu óheimil hverju nafni sem þau nefnast, því útilokað er að verkföll bitni ekki á neytendum í einu eða öðru formi. Allar tilraunir til að sniðganga verkföll og fara í kringum þau, draga þau aðeins á langinn og gera þau illvígari og dýrari, engin græðir á því og þá síst neytendurnir hans Gísla.

[Björn Birgisson, 14.8.2010 kl. 15:15]

Verkföll eru bara að verða úrelt, sérstaklega þar sem beitt er einhverskonar þvingunaraðgerðum eins og í þessu tilviki.

[Axel Jóhann Hallgrímsson, 14.8.2010 kl. 15:22]

Er ekki búið að beita öllum nýmóðins aðferðum í þessari deilu án árangurs?  Mönnum hættir til að gleyma því -að sjaldan veldur einn þá tveir deila- , verkfall er ekki bara á ábyrgð þess sem það boðar.

[Björn Birgisson, 14.8.2010 kl. 15:27]

Hvað sem því líður, þá er þetta fáránlegur tími fyrir verkföll, eins og staða þjóðarinnar er nú.

[Óskar Helgi Helgason (IP-tala skráð) 14.8.2010 kl. 16:01]

Komið þið sælir; Björn Ísfirðingur - og Axel Jóhann Skagstrendingur !

Björn minn !

Ályktanir þínar; gagnvart verkföllum, eru alls ekki, á rökum reistar. Oftsinnis; hafa verkföll verið, einn aðdraganda þjóðfélagsbyltinga, í ýmsum löndum - og það er einmitt ein slík; sem við þörfnumst mjög, hér á Fróni.

Rotin fúlmenni; á valdastólum - eða innan seilingar þeirra, eru að merja samfélag okkar, niður í svaðið, hægt, og bítandi.

Því; gætu verkföll - helzt, allsherjarverkfall, stuðlað að falli illræðis afla, hinna fjögurra spilltu flokka, ágæti drengur.

Með beztu kveðjum; vestur yfir fjallgarð, sem jafnan /

Óskar Helgi 

[Björn Birgisson, 14.8.2010 kl. 16:14]

Lengi lifi byltingin!