Með Fálkaorðu í yfirheyrslu?

"Sigurður Einarsson, fyrrverandi stjórnarformaður Kaupþings, er kominn til landsins en hann hefur gert samkomulag við embætti sérstaks saksóknara um að hann mæti til yfirheyrslu á morgun."

Sigurður var ekki handtekinn í Leifsstöð, en það þýðir ekki að hann verði ekki handtekinn. Ég held að það velti mjög á því hvaða upplýsingar tókst að draga upp úr Hreiðari Má í ströngum yfirheyrslum yfir honum og hvernig þeim félögum ber saman í stóru málunum, sem þó liggja líklega að mestu fyrir nú þegar, nánast tilbúin til framlagningar og ákæru.

Hafi Hreiðar Már játað einhverja glæpi á sig, áður en honum var sleppt og geri Sigurður það sama, verður Sigurður ekki handtekinn, en auðvitað ákærður síðar, saklaus fram að sakfellingu, rétt eins og Hreiðar Már.

Neiti Sigurður hins vegar öllu, sem saksóknarinn veit nú þegar eða telur sig vita, fer hann auðvitað beint í steininn. Kannski í klefann hans Hreiðars Más.

Ég hef grun um að Sigurður Einarsson lesi alltaf bloggið mitt.

Kæri Sigurður!

Mig langar að gefa þér heilræði. Þegar þú mætir til yfirheyrsu á morgun, þá endilega berðu Fálkaorðuna þína. Eins og allir vita hljóta hana aðeins þeir Íslendingar sem skarað hafa framúr á hinum ýmsu sviðum. Verið heiðarlegir, vinnusamir, ósérhlífnir. Oft verið frumkvöðlar, eins og til dæmis þú varst í bankamálum þjóðarinnar.

Þegar saksóknarinn sér orðuna þína veit hann hvern mann þú hefur að geyma og væri alveg vís til þess að spyrja þig bara um veðrið í London í sumar, svona af því að þú ert kominn til landsins.

Um eitthvað verður hann að spyrja.

Sigurður Einarsson kominn til landsins

Athugasemdir

[Númi (IP-tala skráð) 18.8.2010 kl. 23:02]

Það máttu vera viss um,að Sigurður Einarsson les bloggsíðu þína,og einnig megum við vera viss um það að  Sigurður Einarsson hinn ósnertanlegi, mun mæta með Fálkaorðuna fastnælda á sér til yfirheyrslunar til Sérstaks Saksóknara.

[Björn Birgisson, 18.8.2010 kl. 23:08]

Númi minn, ég veit bara um tvo aðila sem segja mér að þeir lesi alltaf bloggin mín. Annar er kona, sem Sigurður er ekki, hinn er karlmaður undir dulnefni. Getur það verið Sigurður? Ekki veit ég það, en held ekki.

[Númi (IP-tala skráð) 19.8.2010 kl. 08:30]

Við skulum fylgjast með hinum ósnertanlega Sigurði,hvort að hann hafi mætt með Fálkaorðuna.

[Sigurður Haraldsson, 19.8.2010 kl. 10:28]

Flottur Björn góð skrif vonandi les nafni þau