Ný könnun - taktu þátt!

"Þetta er líklega í fyrsta skipti sem ég set þessi orð á prent og Mogginn notar tækifærið til að loka," segir hann (Loftur Altice Þorsteinsson, verkfræðingur og vísindakennari) í bréfi til nokkurra vina sinna, segir á síðu Jóns Vals Jenssonar, sem furðar sig fram í fingurgóma á þessari ritskoðun!

Er kominn með nýja skoðanakönnun á síðuna mína í kjölfar þessara tíðinda dagsins.

Spurt er: Var það rétt ákvörðun hjá mbl.is að loka bloggi Lofts Altice Þorsteinssonar?

Könnunin er hér til vinstri á síðunni minni.

Athugasemdir

[Vendetta, 25.8.2010 kl. 19:49]

Þótt ég hafi verið andsnúinn öllu sem Loftur hefur skrifað á bloggi sínu, þá tel ég ekki rétt að loka á hann. Ég er á móti ritskoðun eins og hún leggur sig, líka gagnvart skoðanaandstæðingum, nema að það sé svo gróft að það taki engu tali. Og svona til að skilgreina betur þetta huglæga orð "sérlega gróft", þá hef ég ekki lesið neina færslu á moggablogginu sem ég myndi kalla grófa, hvað þá sérlega grófa. Allir eiga rétt á því að tjá sig, líka þeir sem eru vitlausir og/eða heiftúðugir. Ég smellti þess vegna á Nei hér til vinstri. Ég veit að ég gagnrýndi færslu hans og ég vildi að þar við sæti, þ.e. að hann fengi mikla gagnrýni fyrir sín skrif, jafnvel að hann fengi það virkilega óþvegið, en ekki að það yrði lokað á hann. Hann dæmir sig sjálfur með lágkúrunni.

[Björn Birgisson, 25.8.2010 kl. 19:55]

"Hann dæmir sig sjálfur með lágkúrunni." Það liggur fyrir, en á þá lágkúran, meiðandi sem hún er, að leka endalaust út eins og hver önnur mengun sem þó er auðvelt að koma í veg fyrir?

[DoctorE (IP-tala skráð) 25.8.2010 kl. 19:56]

Ég er algerlega á móti ritsskoðun.. en þar sem ég sjálfur var rekinn af þessu bloggi fyrir mun minni sakir.. sem og mjög margir aðrir, þá er ekki hægt annað en að loka bloggi Lofts.

[Óðinn Þórisson, 25.8.2010 kl. 21:01]

Það er ekkert annað í stöðunni en að mbl.is opni aftur blogg Lofts -

[Björn Birgisson, 25.8.2010 kl. 21:06]

Óðinn, hvernig færðu það út? Hann hefur margoft þverbrotið reglur bloggsins og fengið á sig kvartanir og viðvaranir og orðið að fjarlægja eitthvað af subbulegum skrifum sínum. Hrífst þú af þeim eða ertu bara að rétta flokksbróður hjálparhönd í hlandforinni?

[Axel Jóhann Hallgrímsson, 25.8.2010 kl. 21:12]

Ef Loftur fær náðun þá hlýtur það sama yfir aðra að ganga, sem sætt hafa lokun og fyrir minni sakir.

[Vendetta, 25.8.2010 kl. 21:30]

Það er rétt, þá fer ég fram á að Dr.E og Grefillinn fái náðun líka.

[Björn Birgisson, 25.8.2010 kl. 21:35]

Þar sem réttlæti eins endar, byrjar réttlæti annarra. Svo er kannski ekkert réttlæti til, nema sem ranghverfan á ranglætinu sem nú veður uppi og hefur öll völd!

[Óskar Helgi Helgason (IP-tala skráð) 25.8.2010 kl. 21:46]

Komið þið sælir; Björn - og gestir þínir, hér á síðu !

Rétt þykir mér; að minna Óðinn nokkurn Þórisson á, að hann lokaði á eina athugasemda minna, þegar ég sendi þeim ''Sjálfstæðis''  pjökkunum, vinum hans nokkuð harðort skeyti, fyrir nokkrum árum, hér á vefnum.

Hins vegar; biðji Loftur verkfr. það fólk, sem hann hefir sproksett, fyrir hneigðir sínar, kynrænar,, afsökunar, á þeim orðum sínum, ættu þau Hádegis móa hjú; Árni og Soffía, að opna á hans síðu - en;........ muna þá einnig, eftir Greflinum (Guðbergi Ísleifssyni) - Doctore, fornvini mínum, auk fjölda annarra reyndar.

Með beztu kveðjum; sem oftar /

Óskar Helgi

[Björn Birgisson, 25.8.2010 kl. 22:05]

Óskar Helgi, mín spá er sú að innan tíðar muni Loftur spranga hér um bloggið, bísperrtur, eins og ekkert hafi í skorist. Þannig er nú pólitíkin! En vissulega þarf hann að vanda sitt orðaval betur og er ekkert einn um það. Allir, sem tjá sig opinberlega, leggja sig undir dóm allra sem lesa. Flestir lesendur eru góðir dómarar. 

[Vendetta, 25.8.2010 kl. 22:39]

Ef og þegar Loftur kemur aftur, vona ég að honum verði velgt undir uggum.

[Óskar Helgi Helgason (IP-tala skráð) 25.8.2010 kl. 22:46]

Komið þið sælir; á ný !

Vendetta !

Tek; undir það. Frjálshyggju æxlinu; sem býr í fylgjendum flestra fylgis manna B - D - S og V lista, þarf að útrýma, svo þetta fólk nái lágmarks jarðsambandi.

Á þessu atriði; flaskaði Jón Valur stórvinur minn nefnilega, í málsvörninni fyrir Loft verkfr, á síðu sinni í dag, ágætu drengir.

Með beztu kveðjum; sem fyrr /

Óskar Helgi 

[Vendetta, 25.8.2010 kl. 22:58]

Óskar, ekki öll frjálshyggja er slæm. Ég aðhyllist t.d. félagslega frjálshyggju, sem er bezta stjórnarformið, en það er ekki stefna neins flokks á Alþingi. Þess vegna (m.a.) hefur landið verið í djúpum skít síðan í byrjun 6. áratugarins.

[Óskar Helgi Helgason (IP-tala skráð) 26.8.2010 kl. 16:55]

Komið þið sælir; á ný !

Vendetta !

Að minnsta kosti; hefi ég ekki enn, rekist á neinn jákvæðan anga, af frjáls  hyggju tetrinu, enn,, sem komið er, ágæti drengur.

Með; þeim sömu kveðjum - og fyrri /

Óskar Helgi