Margir trúðu konunum

„Allt stjórnkerfið virðist núna þegar litið er til baka stutt fráfarandi biskup. Og ekki síður virðist hann hafa haft allt samfélagið með sér og þar með talda æðstu ráðamenn og konur þessa samfélags."

Engin ný sannindi koma fram í þessari frétt. Þetta hefur verið augljóst hverjum manni allan tímann. Konurnar voru úthrópaðar sem lygarar en biskupinn hafinn til skýjanna með sínar fjórar Fálkaorður.

Það er þó rangt í fréttinni að hann hafi haft allt samfélagið með sér.

Margir trúðu konunum.

Segir allt stjórnkerfið hafa stutt Ólaf

Athugasemdir

[Skúli Pálsson (IP-tala skráð) 29.8.2010 kl. 13:06]

Ég velti fyrir mér af hverju presturinn minnist sérstaklega á æðstu ráðakonur. Hverjar voru það, hvaða æðstu ráðakonur studdu Ólaf? Voru nokkrar konur í háum embættum 1996 nema Vigdís?

[þóra gunnarsdóttir (IP-tala skráð) 29.8.2010 kl. 13:12]

Guðrún Erlendsdóttir var í Hæstarétti og Guðrún Helgadóttir forseti Alþingis að mig minnir. Var ekki Kvennaframboðið enn til? hins vegar má segja að samfélagið og kerfið brást þessum konum. ef að svona margir trúðu þeim af hverju var ekkert gert. ég man eftir þessu og var hissa þegar málið var látið niður falla vegna þess að ég taldi þetta vera rétt. þegar málið var látið niður falla hélt ég að annað hvort hefði ég haldi rangt eða þær hefðu verið keyptar. Hryllilegt til þess að vita að dóttir hans hafi þolað þetta ofbeldi líka...ég man t.d. hvað mamma vorkenndi eiginkonu hans að sitja undir þessu öllu saman....núna hugsa ég með sorg yfir því að hún þagði yfir ofbeldi gegn sinni eigin dóttur.

[Jón Óskarsson (IP-tala skráð) 29.8.2010 kl. 13:47]

Þriggja blaðsíðna viðtal var við Karl biskup í Lesbók Mogga. 

 

Þetta er eina vitalið sem enginn af starfsmönnum Morgunblaðsins merkir sér.  Hvað segir það? 

Er það samið úti í bæ og sent inn á ritstjórnina? 

Er það kannski tekið af karlinum sem stýrir Mogganum? 

Eða er biskupinn að tala við sjálfan sig?

Hafa menn spáð í þetta. ?

[Árni Gunnarsson, 29.8.2010 kl. 14:14]

"....virðist hafa stutt fráfarandi biskup....?"

Er Karl búinn að segja af sér?

Að öðrum biskupi- eða þannig:

Þetta er á því tímabili sögu okkar þegar biskupar eru mestu tignarmenn þjóðarinnar. Nú er von á yfirreið biskups um kirkjusóknina og fólk fylgist af mikilli forvitni með mannaferðum því alla fýsir að leiða þennan tignarmann almættisins augum þó ekki væri nema tilsýndar.

Kerling nokkur hafði beðið stund úr degi við ljórann og loks sér hún eitthvað niðri á götunni álengdar frá bænum og sér þó óglöggt. Eftir nokkra stund þykist hún sjá að þarna muni vera kominn biskupinn og ríðandi eins og von var á en hægfara þótti henni reiðskjótinn og fas knapans eftir því. Og henni verður að orði:

"Já, álútur ríður hann núna blessaður biskupinn!"

Henni missýndist. Þetta var graddi að riðlast á merarpútu.

[Björn Birgisson, 29.8.2010 kl. 14:22]

Árni, ég rak líka augun í "fráfarandi biskup". Mogginn setur þetta svona fram, kannski orðrétt haft eftir konunni. Vildi ekki breyta því. Ég er bara BB og alls enginn HHG!

Takk fyrir góða sögu .

[Björn Birgisson, 29.8.2010 kl. 14:24]

Skúli, mér finnst ósmekklegt að nefna nafn Vigdísar í þessu samhengi.

[Skúli (IP-tala skráð) 29.8.2010 kl. 14:53]

Nákvæmlega hvað er ósmekklegt?

[ósk (IP-tala skráð) 29.8.2010 kl. 15:09]

Afhverju er ósmekklegt að nefna nafn Vigdísar?

Kemur ekki ein af þessum konum inn á framkomu hennar við sig?  Mér finnst að það eigi enginn að vera hafinn yfir gagnrýni eða gagnrýna umræðu. Varð þetta mál ekki svona vegna þess að sumar persónur mátti ekki  gagnrýna opinberlega.

[Björn Birgisson, 29.8.2010 kl. 15:22]

Jæja, jæja, mér finnst einhvern veginn að hún sé hafin yfir þetta allt, eða ætti að minnsta kosti að vera það.

[Anna Davíðsdóttir (IP-tala skráð) 31.8.2010 kl. 15:14]

http://www.dv.is/frettir/2010/8/31/sigrun-palina-fundur-med-vigdisi-mikid-afall/

Rakst á þessa færslu þína Björn og fannst ég verða að benda þér á linkinn hér fyrir ofan 

Spurning hvort þú verðir ekki að endurskoða afstöðu þína til Vigdísar í þessu máli, það gleymdist nefnilega svo oft að Vigdís var/er mannleg eins og við hin og fær um að sýna hroka og annað það viðmót sem ekki þykir gott, rét eins og við sauðsvartur almúginn.....því miður

[Björn Birgisson, 31.8.2010 kl. 15:23]

Anna, takk fyrir þetta. Var búinn að sjá þetta á dv.is. Jú, jú, öll erum við víst breysk og mannleg.