Fjármálasnillingar?

"Forráðamenn Ríkisútvarpsins ákváðu fyrr í ágúst, að Spaugstofan yrði ekki á dagskrá næsta vetur. Ástæðan var sögð 9% niðurskurður sem RÚV þarf að fara eftir."

Einhvers staðar las ég að síðasta vetur hafi Spaugstofan kostað RÚV um 72 milljónir. Ekki get ég séð fyrir mér að kostnaðurinn verði minni fyrir Stöð 2, því nú þarf að byrja allt upp á nýtt. Útvega búninga, leikmyndir og hvað þetta heitir nú allt saman.

Aldrei er fjallað um fjármál Stöðvar 2 á þann veg að þar sé gnótt fjármagns og því allir vegir færir. Þvert á móti virðist skuldaklafinn vera fyrirferðarmestur í bókhaldinu og mörgu góðu fólki hefur verið sagt upp störfum í hagræðingarskyni.

En það eru víst einhverjir af snjöllustu fjármálamönnum Íslands sem þar ráða ríkjum og þeir virðast geta keypt Spaugstofuna, enska boltann og allt sem þeim dettur í hug að kaupa, þrátt fyrir þrönga stöðu.

Svona vinna bara fjármálasnillingar! Er það ekki?

Ég hlakka til að sjá Spaugstofuna í haust, en geri heldur ráð fyrir all breyttum þætti.

Kemur Randver inn aftur?

PS. Taktu þátt í nýrri könnun hér til vinstri.

Spaugstofan á Stöð 2

Athugasemdir

[Jóhann Elíasson, 31.8.2010 kl. 17:17]

Auðvitað óska ég þeim alls góðs í framtíðinni um leið og ég óska RÚV til hamingju með að hafa fært 365 miðlum SPAUGSTOFUNA á silfurfati og þannig styrkt þá í samkeppninni (kannski það sýni stjórnvisku Páls Magnússonar). En ég kem EKKI til með að kaupa mér áskrift að stöð2 þrátt fyrir að áskrift kosti "aðeins" 259 kr á dag en það eru 94.535 kr á ári.

[DoctorE (IP-tala skráð) 31.8.2010 kl. 17:22]

Ég er löngu hættur áskrift að stöð 2, ég mun aldrei kaupa áskrift ámeðan fyrirtækið er í eigu vissra einstaklinga. Ég myndi heldur ekki vinna fyrir þetta fólk.

Með Spaugstofu; Ég var ekkert að hlaupa á eftir því að horfa... gerði það þó ef ég sat við kassann... óska þeim þó góðs gengis.

[Björn Birgisson, 31.8.2010 kl. 17:24]

Er þá ekki ráðið að fara í heimsókn til ættingja eða vina á laugardagskvöldum, bjóða sér í mat og Spaugstofuna á eftir?

[Jón Óskarsson (IP-tala skráð) 31.8.2010 kl. 18:27]

Klókt hjá Stöð2 að láta RÚV borga launin þeirra Páls Magnússonar og Sigrúnar Stefánsdóttur. 

Það vantar bara opinbera viðurkenningu á því að þau vinni fyrir ljósvakamiðla Jóns Ásgeirs.

[Björn Birgisson, 31.8.2010 kl. 18:47]

Jón Óskarsson, hægt og bítandi er RÚV að grafa sér eigin gröf. Rás 2 er löngu búin að skíttapa fyrir Bylgjunni og RÚV Sjónvarp stefnir lóðbeint að sömu úrslitum gagnvart Stöð 2. Heilt ríkisvald er að skíttapa fyrir Jóni Ásgeiri og félögum. Svona er Ísland í dag!