Árni fékk aðeins á baukinn

Reykjanesbær er skuldum vafinn og á ekki fyrir afborgunum, lagði gífurlega fjármuni í rándýra höfn í Helguvík, vegna væntanlegs álvers, sem kannski aldrei rís, en vonandi þó. Árni Sigfússon virðist nokkur brattur í viðtölum, þrátt fyrir erfiða stöðu bæjarfélagsins, hans sjálfs og flokks hans, sem öllu ræður í Reykjanesbæ.

Ég bað gesti mína á þessari síðu að leggja mat á störf Árna Sigfússonar.

Spurt var:

Hvernig hefur Árni Sigfússon staðið sig sem bæjarstjóri Reykjanesbæjar?

Vel sögðu 16%

Nokkuð vel sögðu 6%

Sæmilega sögðu 5%

Illa sögðu 73%

Tæplega 200 tóku þátt í könnuninni.