Áhyggjur allan hringinn

"Jóhanna Sigurðardóttir, forsætisráðherra, sagði í lok umræðu um störf og stefnu ríkisstjórnarinnar á Alþingi í dag að ástæða væri til að hafa áhyggjur af stjórnarandstöðunni."

Þetta er auðvitað alveg rétt hjá Jóhönnu, en síðan má benda á að það er einnig rík ástæða til að hafa miklar áhyggjur af ríkisstjórninni. Það er nefnilega þannig að þróun stjórnmálanna í okkar ágæta landi hefur verið þess eðlis að það er rík ástæða til að hafa áhyggjur af þeim í heild sinni.

Íslendingar mæta betur á kjörstað en margar aðrar þjóðir, en þegar þeir eru spurðir hvort þeir treysti og trúi á stjórnmálamennina sem þeir kusu, svara flestir því neitandi, undarlegt sem það nú er!

Alþingi, sem á að vera virðulegasta stofnun lýðveldisins, fær oftast falleinkunn þegar spurt er um tiltrú fólks á ýmsum stofnunum og starfsemi í þjóðfélaginu.

Þannig að Jóhanna Sigurðardóttir þarf augljóslega að hafa áhyggjur af fleiru en stjórnarandstöðunni.

Hvernig var bekkurinn á Alþingi setinn í dag? Mættu Guðlaugur Þór og Þorgerður Katrín? Þarf nokkuð að hafa áhyggjur af þeim?

Hefur áhyggjur af stjórnarandstöðunni

Athugasemdir

[Landfari, 2.9.2010 kl. 16:54]

Nokkuð vel orðað hjá þér.

[Björn Birgisson, 2.9.2010 kl. 16:58]

Landfari, takk fyrir.

[Axel Jóhann Hallgrímsson, 2.9.2010 kl. 17:41]

Ég skrifa undir þetta.

[Björn Birgisson, 2.9.2010 kl. 17:45]

Gott að heyra stolti afi!