Fyrsta, annað og ..... þriðja! Slegið fjármálastofnuninni!

"Það sem af er ári hafa 227 íbúðir og húseignir verið seldar nauðungarsölu hjá embætti sýslumannsins í Keflavík. Þetta er allt að fimmfalt fleiri nauðungarsölur en að jafnaði hjá embættinu undanfarin 15 ár. Fyrst og fremst eru það bankar og Íbúðalánasjóður sem ganga að skuldurum og krefjast nauðungarsölu að sögn sýslumannsins í Keflavík, Þórólfs Halldórssonar.

Hvergi á landinu virðist kreppan hafa orðið jafn djúp og á Suðurnesjum. Til samanburðar má geta þess að á sama tíma voru 205 fasteignir seldar nauðungarsölu hjá sýslumanninum í Reykjavík. Þar eru um íbúar sexfalt fleiri en í umdæmi sýslumannsins í Keflavík. Ef ástandið væri viðlíka slæmt í Reykjavík og í Reykjanesbæ og nágrenni væri samkvæmt þessu hlutfalli búið að selja um 1.400 íbúðir á uppboði í höfuðborginni." segir dv.is

227 íbúðir og húseignir undir hamarinn á Suðurnesjum! Þetta er hrikaleg tala og samkvæmt mínum heimildum er mikill meirihluti þessara eigna venjuleg heimili fólks, en eitthvað mun vera um hálfköruð hús og ýmsar aðrar byggingar.

Innan fárra daga, eða í fyrstu viku októbermánaðar, munu um 100 eignir til viðbótar fara undir hamarinn á Suðurnesjum. Ástandið er svona hrikalegt.

Alls hafa 430 eignir lent á uppboði á Suðurnesjum frá ársbyrjun 2008 til dagsins í dag og mikill fjöldi uppboðsbeiðna mun vera í pípunum.

Þetta er skuggalegt.

Ört fjölgar þeim Suðurnesjamönnum sem nú leigja sín eigin hús. Já, ég segi sín eigin hús. Sá sem tapar þegar rangt er gefið, á ekki að tapa neinu, heldur sá sem rangt gaf.

Þessi eignaupptaka er hrikaleg og smánarblettur á stjórnsýslunni í landinu.

Ef eitthvað er mikilvægara í þessu landi en fólkið sem það byggir, þætti mér vænt um að verða upplýstur um það.

Þetta er skuggalegt og umfram allt skammarlegt.

Athugasemdir

[Óskar Helgi Helgason (IP-tala skráð) 15.9.2010 kl. 20:59]

Heill og sæll; að nýju, Björn Ísfirðingur !

Eins; og ég gat um, við þig í dag, ætti 1. viðvörun, til Tollheimtumannsins í Reykjavík - sem og Sýslumanna landsins, sem þátt taka, í þessum aðförum, að heimilum landsmanna, að vera hressileg barsmíð; persónulega, svo undan þeim sviði.

Íslendingar; sem frjáslbornir vilja kallast, eiga ekki, að sæta þeim örlögum, að borðalagðir ribbaldar, í ''umboði'' þjófa gengja Banka og annarra gerfi- stofnana, vaði óáreittir, yfir ærlegt og heiðarlegt fólk, meir;; en orðið er.

Með beztu kveðjum; sem jafnan, vestur yfir fjallgarð /

Óskar Helgi 

[Björn Birgisson, 15.9.2010 kl. 21:10]

óskar Helgi skrifar: "................. þjófa gengja Banka og annarra gerfi- stofnana, vaði óáreittir, yfir ærlegt og heiðarlegt fólk, meir; en orðið er."

Nákvæmlega málið. Þetta er fyrir löngu orðið óþolandi.