Vanvirða enn og aftur

"Vatnslaust er í Reykholti í Borgarfirði og vatn flutt með tankbíl slökkviliðsins neðan úr Borgarhreppi, um 20 kílómetra leið."

Nú er hún Snorralaug stekkur.

Þeir sem þetta skilja eru beðnir velvirðingar á vanvirðingunni við skáldið og helgasta stað Íslands. 

Vatn flutt í Reykholt

Athugasemdir

[Axel Jóhann Hallgrímsson, 17.9.2010 kl. 23:06]

Við erum sem einn hugur Björn, í vel flestum málum.

[Hólímólí (IP-tala skráð) 17.9.2010 kl. 23:23]

I dónt gett itt?

[Björn Birgisson, 18.9.2010 kl. 00:03]

Hólímólí, lestu þetta: 

Ísland, farsældafrón

og hagsælda, hrímhvíta móðir!

Hvar er þín fornaldarfrægð,

frelsið og manndáðin bezt?

 

Allt er í heiminum hverfult,

og stund þíns fegursta frama

lýsir sem leiftur um nótt

langt fram á horfinni öld.

 

Landið var fagurt og frítt

og fannhvítir jöklanna tindar,

himinninn heiður og blár,

hafið var skínandi bjart.

 

Þá komu feðurnir frægu

og frjálsræðishetjurnar góðu

austan um hyldýpishaf,

hingað í sælunnar reit.

 

Reistu sér byggðir og bú

í blómguðu dalanna skauti,

ukust að íþrótt og frægð,

undu svo glaðir við sitt.

 

Hátt á eldhrauni upp,

þar sem ennþá Öxará rennur

ofan í Almannagjá,

alþingið feðranna stóð.

 

Þar stóð hann Þorgeir á þingi,

er við trúnni var tekið af lýði.

Þar komu Gissur og Geir,

Gunnar og Héðinn og Njáll.

 

Þá riðu hetjur um héruð,

og skrautbúin skip fyrir landi

flutu með fríðasta lið,

færandi varninginn heim.

 

Það er svo bágt að standa í stað,

og mönnunum munar

annaðhvort aftur á bak

ellegar nokkuð á leið.

 

Hvað er þá orðið okkar starf

í sex hundruð sumur?

Höfum við gengið til góðs

götuna fram eftir veg?

 

Landið er fagurt og frítt

og fannhvítir jöklanna tindar,

himinninn heiður og blár,

hafið er skínandi bjart.

 

En á eldhrauni upp,

þar sem ennþá Öxará rennur

ofan í Almannagjá,

alþing er horfið á braut.

 

Nú er hún Snorrabúð stekkur,

og lyngið á Lögbergi helga

blánar af berjum hvert ár,

börnum og hröfnum að leik.

 

Ó, þér unglinga fjöld

og Íslands fullorðnu synir!

Svona er feðranna frægð

fallin í gleymsku og dá!

[Björn Birgisson, 18.9.2010 kl. 00:57]

Axel Jóhann, þakka þér góð orð.

[Ybbar gogg (IP-tala skráð) 18.9.2010 kl. 01:24]

Má hlusta á hér (í lestri Jóns Júlíussonar, held ég...):

http://www2.hi.is/Apps/WebObjects/HI.woa/1/swdocument/1009382/%C3%8Dsland.mp3

[Guðmundur Júlíusson, 18.9.2010 kl. 01:28]

Verð að  vera sammála Hólímóli um að ég átta mig ekki á þessari færsu þinni kæri Björn minn !

En hvað erum við svo sem að dæma, við erum bara venjulegir menn innan um Guði

[Björn Birgisson, 18.9.2010 kl. 01:28]

Ybbar gogg, takk fyrir þessa gæsahúð!

[Ybbar gogg (IP-tala skráð) 18.9.2010 kl. 01:33]

Annars er Borðsálmurinn í miklu uppáhaldi hjá mér þessa dagana. Og ég kurra stundum yfir Skrælingjaþinginu!

Meira um allt þetta hér:

http://www.jonashallgrimsson.is/id/1015800

(Bíð spenntur eftir davidstefansson.is og steinnsteinarr.is en þangað til má alltaf skoða http://www.ljod.is ...)

[Björn Birgisson, 18.9.2010 kl. 01:38]

Ybbar gogg, takk fyrir þetta. Það er greinilega gert eitt og annað við tjarnir landsins, annað en að éta brauð!

[Ybbar gogg (IP-tala skráð) 18.9.2010 kl. 01:39]

 !!

[Björn Birgisson, 18.9.2010 kl. 01:48]

Guðmundur Júlíusson og Hólímólí, ágætu vinir, mér er raun að því að taka fullorðna menn á kné mér til rassskellingar eða annarrar tyftunar við hæfi.

Hvað merkir orðið stekkur í ljóði þjóðskáldsins? Hvað á skáldið við með þessum orðum: Nú er hún Snorrabúð stekkur?

Hafið þið heyrt um fráfærur?

Þið verðið að fá átta vandarhögg á botninn, sem ætttu að vekja ykkur til vitundar og leitar í sönnum þjóðararfi okkar Íslendinga.