Íslandshreppur, haldlítið skjól?

Í gamla daga þurftu þeir sem ekki gátu framfleytt sér að segja sig á hreppinn eins og það var kallað. Það hafa væntanlega verið þung og erfið spor, enda talin hin mesta niðurlæging.

Af fréttum má ráða að staða Reykjanesbæjar sé svo hrikaleg að stutt sé í að bæjarfélögin, sem að þessu samheiti standa, þurfi að segja sig á stóra hreppinn Ísland, eins og hreppurinn sem hýsir forseta lýðveldisins þurfti að gera.

Verst að stóri hreppurinn Ísland skuli vera gjaldþrota líka.

Sá einhversstaðar að bæjarstjóri Reykjanesbæjar hefði 1,7 milljónir á mánuði í laun. Getur það verið rétt? Ef það er rétt hefur hann 20,4 milljónir á ári. Eins og góður aflaskipstjóri.

Er karlinn nokkuð að fiska?

Ekki þarf að spyrja að rausnarskap Reyknesinga þrátt fyrir aflaleysi og þrengingar á erfiðum tímum.

Lýsir furðu á málflutningi

Athugasemdir

[Eyjólfur G Svavarsson, 20.9.2010 kl. 15:11]

VG fá þessa aura sem vantar bara hjá eldri borgurum, og Svandís hin fagra færir þeym þá, svona til tilbreytingar.

[Björn Birgisson, 20.9.2010 kl. 15:13]

Auðvitað! Fín hugmynd! Ert þú á Fáskrúðsfirði?

[Einar Guðjónsson, 20.9.2010 kl. 18:12]

Örugglega nær 40 milljónum á ári með launatengdum gjöldum og fríðindum.

[Björn Birgisson, 20.9.2010 kl. 18:19]

Einar, 40 millur gera 3,3 millur á mánuði. Ertu ekki að grínast á þessari alvarlegu síðu?

[Eyjólfur G Svavarsson, 20.9.2010 kl. 22:46]

Björn varst þú aðhugsa um að koma í heymsókn, vertu velkominn hvenær sem þú vilt.

[Björn Birgisson, 20.9.2010 kl. 23:12]

Kærar þakkir Eyjólfur minn, Fáskrúðsfjörður á sinn stað í hjarta mínu, en þar dvaldi ég frá 1971-1975. Spurðu sóknarprestinn þinn hvort hann blessi þitt heimboð!

[Eyjólfur G Svavarsson, 21.9.2010 kl. 11:18]

Ég geri það Björn.kveðja