Er þjóðin of lömuð og dofin til að flytja yfir hafið?

Við hrunið var því spáð að fyrir dyrum stæði gríðarlegur fólksflótti frá landinu. Vissulega hafa margir farið, en langt í frá sá fjöldi sem svartsýnustu spár gerðu ráð fyrir. Kannski er þjóðin orðin svo aðframkomin og lömuð að hún hefur sig ekki í að flytja yfir hafið. Kannski er grasið ekkert svo mikið grænna í öðrum löndum.

Þetta segir Hagstofa Íslands um brottflutta og aðflutta til landsins árið 2009:

Mesti brottflutningur frá upphafi
Árið 2009 fluttu 4.835 fleiri frá landinu en til þess. Aldrei áður hafa jafn margir flutt frá landinu á einu ári. Næstflestir brottfluttir umfram aðflutta voru árið 1887 en þá fluttu 2.229 fleiri frá landinu en til þess. Árið 1887 var mannfækkun vegna búferlaflutninga þó helmingi meiri ef miðað er við miðársmannfjölda, eða 3,1% á móti 1,5%.

Flestir flytja til Póllands
Frá landinu fluttu flestir til Evrópu eða 9.546 en það er tæplega 9 af hverjum 10 brottfluttum. Flestir fóru til Norðurlandanna eða 4.033 sem er 38,0% allra brottfluttra. Þar af fóru 1.576 til Noregs, 1.560 til Danmerkur og 733 til Svíþjóðar. Af einstökum löndum fóru flestir til Póllands eða 2.818 (26,6%).

Mjög dró úr aðflutningi til landsins frá árinu áður. Ef frá eru talin árin 2005–2008 hafa þó aldrei flust fleiri til Íslands frá útlöndum en árið 2009, eða 5.777. Flestir fluttu til landsins frá Evrópu eða 4.938 en það er 85,5% af heildarfjölda aðfluttra til landsins. Frá Norðurlöndum kom 1.931, þar af 1.193 frá Danmörku en 418 komu frá Ameríku. Af einstökum löndum komu flestir frá Póllandi, 1.235.

Búferlaflutningar milli landa 2009:
	Aðfluttir umfram brottflutta	Aðfluttir	Brottfluttir
Alls:	-4.835	5.777	10.612
Pólland	-1.583	1.235	2.818
Noregur	-1.275	301	1.576
Svíþjóð	-406	327	733
Danmörk	-367	1.193	1.560
Þýskaland	-192	237	429
Portúgal	-179	58	237
Litháen	-147	238	385
Tékkland	-114	62	176
Slóvakía	-87	43	130
Önnur lönd	-485	2.083	2.568

Tíðasti aldur brottfluttra var 25 ár
Árið 2009 voru flestir brottfluttra á aldrinum 25–29 ára. Tíðasti aldur brottfluttra var 25 ár. Flestir aðfluttra voru aftur á móti á aldrinum 20–24 ára árið 2009. Tíðasti aldur aðfluttra var 25 ár.

Athugasemdir

[Eyjólfur G Svavarsson, 21.9.2010 kl. 17:27]

Björn kanski á hún bara ekki fyrir farinu?

[Björn Birgisson, 21.9.2010 kl. 17:43]

Líklega ekki!