Þráinn skundar á Þingvöll

"Þráinn Bertelsson, þingmaður VG, mun taka sæti í Þingvallanefnd, en tilkynnt var á Alþingi í kvöld að samflokksmaður hans, Þuríður Backman, hefði sagt af sér."

Af ýmsum ástæðum held ég að Þráinn Bertelsson verði frábær fulltrúi í Þingvallanefnd. Meira að segja betri þar en á Alþingi, en kasta þó engri rýrð á störf hans þar.

Skil hins vegar ekki af hverju alþingismenn þurfa endilega að sitja í þessari ágætu nefnd!

Þráinn í Þingvallanefnd

Athugasemdir

[Þorsteinn H. Gunnarsson, 5.10.2010 kl. 21:52]

Það er lögbundið að alþingismenn sitji í Þingvallanefnd. Þannig að það þarf þá að breyta lögunum ef fólk vill hafa annan hátt á því máli.

[Gunnar Heiðarsson, 5.10.2010 kl. 21:56]

Ég er sammála þér Björn, ég tel að Þráinn verði góður í þessari nefnd. Ég hef alla tíð borið virðingu fyrir Þránni Bertelsyni en störf hans á þingi hafa valdið mér vonbrigðum. Hann er ekki á heimavelli þar, listamenn eru kannski ekki bestir í pólitík.

[Björn Birgisson, 5.10.2010 kl. 22:53]

Þorsteinn, takk fyrir þitt góða innlit. Þá þarf að breyta þeim lögum. Margt gott fólk, utanþings, er betur fært um að sitja í Þingvallanefnd, en blessaðir þingmennirnir okkar, þótt margir séu þeir ágætir.

[Björn Birgisson, 5.10.2010 kl. 22:59]

Gunnar Heiðarsson, það er ómögulegt að leggja nokkurn dóm á störf Þráins á hinu háa Alþingi. Hann fór þangað inn á ákveðnum grundvelli, en sá grundvöllur hvarf. Af bóklestri tel ég að Þráinn sé á heimavelli á Þingvöllum og því fínn fulltrúi í Þingvallanefnd og óska honum alls hins besta í störfum sínum þar. Þakka þér innlitið.

[jonas (IP-tala skráð) 5.10.2010 kl. 23:04]

Þráinn á ekki að vera í neinni nefnd því hann er svikari.  Sveik kjósendur sína með því að ganga í VG. Eða var það partur af samkomulagi hans við sína kjósendur.  Held ekki.

[Guðjón Sigþór Jensson, 5.10.2010 kl. 23:09]

Það verður ábyggilega bráðskemmtilegt fyrir hina sem sitja í Þingvallanefnd að fá Þráin í nefndina. Hann mun ábyggilega lífga upp á hana.

Eftir að barrtré voru söguð niður í einhverju bríaríi í stórum stíl hérna um árið hefur grágæsum stórfjölgað í þinghelginni. Er nú svo komið að sökum þess að þær eiga til að skilja stykkin sín hvar sem er án þess að gæta að Þingvellir eru sagðir vera einna merkastur staðu á Íslandi, þá hefur Þingvallakirkja verið lokuð fyrir túristum í allt sumar.

Ástæðan er sú að töluvert hefur borið á því að gæsaskítur hafi þá náttúru að þegar á er stigið, festist hann undir skótau flestra þeirra sem ganga um göngustíga á Þingvelli og berst jafnvel inn í kirkjuna. Hefur starfsfólk haft ærna vinnu við þrif af þessum sökum og þar sem nauðsyn ber að skera niður öll óþörf útgjöld í rekstri opinberra stofnana á borð við þjóðgarðinn og þar með kirkjuna, er auðveldara að loka kirkjunni fyrir forvitnum útlendingum sem Íslendingum sem hvort sem er kunna ekki að koma í veg fyrir að þessi ófögnuður frá gæsunum berist inn í kirkjuna enda á hann ekkert brýnt erindi þangað.

Kannski mætti planta aftur barrtrjám á Þingvelli svo koma mætti í veg fyrir óþarflega mikið magn af gæsaskít sem nóg virðist vera nú af í þinghelginni og kringum kirkjuna.

Vonandi rekst okkar bráðskemmtilegi Þráinn á þessar línur.

Mosi

[Björn Birgisson, 5.10.2010 kl. 23:18]

Mosi, þakka þér þetta ágæta innlit. Menn eins og þú eru alltaf ágætt krydd í tilveruna.