Davíð í Bónus

Í júlí síðast liðnum var Mogginn að væla yfir skorti á auglýsingum í blaðinu, frá sínu uppáhaldsfyrirtæki, það er Högum. Þá skrifaði ég eftirfarandi blogg.

"Af keyptum heilsíðu auglýsingum Haga á fyrri hluta ársins voru 383, eða 97%, í Fréttablaðinu, en 13, eða 3%, í Morgunblaðinu."

"Er þetta einhver frétt? Ég hélt að allir vissu að Bónus karlarnir vilja ekki skipta við Morgunblaðið undir ritstjórn Davíðs Oddssonar. Þeir ráða því algjörlega hvar þeir auglýsa. Eins munu nýir eigendur ráða hvar þeir auglýsa þegar Haga veldinu verður skipt upp, sem hlýtur að lokum að verða gert. Þetta er bara frjálst val. Rétt eins og Morgunblaðið velur að tala alltaf fallega um Sjálfstæðisflokkinn en hæða hina flokkana og forustumenn þeirra sem mest má gera og oftast."

Þetta var fyrir þremur mánuðum. Nú er öldin önnur.

Nú ætti Mogginn að vera búinn að taka gleði sína á ný. Bónus grísinn er farinn að birtast nokkuð reglulega í blaðinu, án þess að kæmi til löggjafar þar um eins og lagt var til af velunnurum blaðsins!

Jóhannes Jónsson í Bónus er ekki lengur í Bónus, blessunarlega fyrir Moggann.

Jói í Bónus er nú Jói í Arion.

Bónus fyrir Moggann, sem þýðir bara eitt:

Davíð í Bónus.

Athugasemdir

[Ben.Ax. (Benedikt Jóhannes Axelsson), 8.10.2010 kl. 17:37]

Þetta er svo sem fín röksemdafærsla svo langt sem hún nær. En vonlaus barátta mín gegn auðvaldinu er sú að versla ekki í Bónusi og kaupa ekki Morgunblaðið. Hvort það leiðir íslensku þjóðina á beinu brautina verður hins vegar einfaldlega að koma í ljós.

[Björn Birgisson, 8.10.2010 kl. 17:41]

Ég veit að þrátt fyrir að ég kaupi alltaf Morgunblaðið, er hvorki blaðið né ég á beinu brautinni. Svo mikið er víst.

[Hólímólí (IP-tala skráð) 8.10.2010 kl. 17:48]

Ég hélt við sætum öll á beinni hraðbraut til andskotans, ég, þið og allir hinir nema einn?

[Björn Birgisson, 8.10.2010 kl. 17:53]

Það hlýtur þá að vera Jón (ekki fálki)! Hver annar gæti það verið?