Enginn á afturkvæmt úr feigðarósnum

"Víkurfréttir greina frá því á fréttavef sínum að Ögmundur Jónasson, dómsmálaráðherra, hafi blundað á borgarafundi í Reykjanesbæ."

Það kemur fyrir á bestu bæjum að höfgi sígi á menn þegar leiðindin gerast áleitin og auðvitað er besta leiðin til að forðast þau að bregða sér í draumheima. Ætla rétt að vona að Ögmundur hafi séð einhverjar fallegar myndir í svefnrofanum!

Hins vegar er þessi stutti blundur ráðherrans algjörlega lýsandi og táknrænn fyrir fyrir aðkomu ríkisvaldsins að atvinnumálum á Suðurnesjum.

Þar hafa flestir ráðamenn því miður flotið steinsofandi að feigðarósi og eru á góðri leið með að sturta þúsundum Suðurnesjamanna með sér í ósinn þann illræmda, sem enginn á afturkvæmt úr.

Dottaði á borgarafundi

Athugasemdir

[hilmar jónsson, 10.10.2010 kl. 17:50]

Þetta er stórfrétt.. Ögmundur syfjaður.. Hvað næst ? Steingrímur hnerraði...

[Björn Birgisson, 10.10.2010 kl. 17:51]

Er hann kvefaður karlinn?

[Aðalsteinn Agnarsson, 10.10.2010 kl. 20:00]

Björn, hefur þú heyrt talað um kæfisvefn ?

[Heimir Lárusson Fjeldsted, 10.10.2010 kl. 20:23]

Ríkisstjórnin í hnotskurn?

[Björn Birgisson, 10.10.2010 kl. 22:43]

Aðalsteinn, konan mín þekkir kæfisvefn ágætlega! Hnippir þá í mig og rekur mig á hliðina! Ég er stoltur af þér að fara rétt með! Flestir tala um kæfusvefn og ekki bara í sláturtíðinni!

[Björn Birgisson, 10.10.2010 kl. 22:46]

Heimir, já því miður og afleiðingar margra ára óstjórnunar.

[Sigurður Haraldsson, 12.10.2010 kl. 00:38]

Sælir fjölmiðlar geta jarðsett ef þeir vilja það þekki ég af eigin raun ef þeim er ekki fylgt eftir og fréttir skoðaðar áður en þær fara frá þeim.

[Heimir Lárusson Fjeldsted, 12.10.2010 kl. 06:07]

Björn, lengi má kenna Íhaldinu um;)