Bullað í borgarstjórn

"Sú er hlaut stöðuna, án auglýsingar, er Regína Ásvaldsdóttir. Hún hefur gegnt starfi skrifstofustjóra frá 1. febrúar 2008 en hlýtur nú titilinn skrifstofustjóri borgarstjóra."

Þá er starfið í traustum höndum.

Í bókun Sjálfstæðismanna og VG segir að aðgerðin feli í sér að margt af ábyrgðarsviði borgarstjóra sé fært yfir á Regínu, sem veki upp spurningar um hvort Jón Gnarr sé að víkja sér undan ákveðnum skyldum og ábyrgð í sínu starfi.

Hef Jón Gnarr sterklega grunaðan í þessu efni.

Svo segir minnihlutinn í borginni einkar smekklega:

„Nú fer þetta vald til þegar ráðins skrifstofustjóra í ráðhúsinu, sem hvorki var kosin af borgarbúum né ber sérstaka ábyrgð gagnvart þeim."

Það er tvennt um þessa makalausu setningu að segja.

Annars vegar það að kjörnir fulltrúar njóta aðeins trausts á kjördegi, sem er á fjögurra ára fresti, en góðir embættismenn njóta trausts alla daga ársins.

Hins vegar að minnihlutinn skuli voga sér að segja að Regína beri ekki sérstaka ábyrgð gagnvart borgarbúum. Hvers konar bull er þetta? Sérhver starfsmaður borgarinnar ber ábyrgð gagnvart sinni borg og íbúum hennar. En vissulega væri betra að fjölmargir kjörnir fulltrúar ræktu sínar skyldur af meiri alúð en raunin er í dag. Í höfuðborginni jafnt sem annars staðar.

Það sem fólk getur bullað til þess eins að skjóta sig í fótinn.

Tillaga um að auglýsa stöðu felld

Athugasemdir

[Arinbjörn Kúld, 19.10.2010 kl. 21:30]

Valddreifing er af hinu góða.

Kveðja að norðan.

[Björn Birgisson, 19.10.2010 kl. 21:57]

Sammála.