Fáránleg aðferð við kosningarnar

Hvernig í fjandanum á að gera upp á milli frambjóðenda til Stjórnlagaþingsins? Ég er kominn niður á lausn fyrir mig, en bið ekki nokkurn mann að leika sama leikinn. Það er svo óábyrgt. 

523 eru í kjöri, 159 konur og 364 karlar.

Þetta er öldungis langur listi og úr vöndu að ráða hvaða fólk skal kjósa. Fáein nöfn kannast maður við, en flestir á listanum eru líklega sem lokuð bók fyrir hinum almenna kjósanda og ég geri síður ráð fyrir að landinn leggist í rannsóknir á störfum og skoðunum allra 523 frambjóðendanna.

Ég sé að allir frambjóðendur fá fjögurra stafa númer, rétt eins og allar kennitölur hafa fjóra tölustafi aftast. Þetta gæti ég hugsað mér að nýta við val á frambjóðendum. Þannig nýti ég mér kennitölur sem mér eru kærar, símanúmer, happdrættismiða og fleira í þeim dúr.

Þá koma upp þessar tölur:

3189

4829

8060

7060

7282

2668

5969

8805

5389

5879

Á ekki að kjósa 10?

Er nokkur með bingó?

Nú er bara spurningin hvort þessar happatölur mínar komi einhverjum frambjóðendum að gagni. Þetta er svolítið spennandi svona. Rétt eins og að taka þátt í Lottó eða Getraunum!

Langar í lokin að vekja athygli á frábæru bloggi um aðferðafræði sem hægt er að beita við valið þann 27. nóvember næst komandi. Lítið á þetta:

http://sigsig.blog.is/blog/sigsig/

(Endurbirt, aðeins breytt)

Meðalaldur frambjóðenda 47 ár

Athugasemdir

[Jón Óskarsson (IP-tala skráð) 2.11.2010 kl. 19:14]

Hér er líka gott innlegg. 

http://malbein.net/?p=3565

[Björn Birgisson, 2.11.2010 kl. 19:20]

Jón Óskarsson, takk fyrir þetta!