Hvað gerðir þú við peningana sem þú stalst frá frúnni í Hamborg?

8.11.2010 | 16:02

Hvað gerðir þú við peningana sem þú stalst frá frúnni í Hamborg?

"Pálmi Haraldsson, athafnamaður, hefur flutt lögheimili sitt til Lúxemborgar, að því er kemur fram í yfirlýsingu, sem birt er á vef hæstaréttar Manhattan."

Synd og skömm að missa gott fólk úr landi, en svo sem ekkert við því að gera. Huggum okkur þó við að í Lúxemborg eru fjölmargir bankar, þannig að Pálma ætti ekkert að leiðast þar í landi og ætti að geta haft nóg fyrir stafni.

Mikið hefur umræðan um útrásarvíkingana hljóðnað að undanförnu. Gýs þó upp öðru hvoru. Í sambandi við þá vakna alltaf sömu spurningarnar í kollinum á mér.

1) Eru þeir allir eða flestir skítblankir í dag og eiga ekkert nema skuldir eins og svo margir Íslendingar? Glutruðu þeir öllum fjármununum sem þeir fengu niður í allri vitleysunni.

Eða:

2) Vilja þeir nú búa erlendis til þess að geta verið nær þeim auðæfum sem þeir stálu frá bönkunum og almenningi?

3) Sé svarið við spurningu 2 já, hvar er þá fjármagnið falið og munu íslensk yfirvöld koma höndum yfir það, eða er það svo vel falið að það finnist aldrei?

Ég bara spyr!

	Pálmi fluttur til Lúxemborgar
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Sæll peningarnir eru til og við verðum að ná þeim!

Sigurður Haraldsson, 8.11.2010 kl. 16:51

Eignafrysting og fangelsi. En mann er farið að gruna að ekki standi til að gera neitt.

hilmar jónsson, 8.11.2010 kl. 18:01

Já með hverjum deginum sem líður þá nálgast sú staðreynd!

Sigurður Haraldsson, 8.11.2010 kl. 18:02

Peningarnir sem þeir fluttu út í ferðatöskunum eru í bankahólfum erlendis og við náum þeim aldei.

Heimir Hafsteinsson (IP-tala skráð) 8.11.2010 kl. 22:33

Jæja, drengir mínir, ekki eruð þið bjartsýnir á endurheimturnar. Heimir, hafi aurarnir farið út í ferðatöskum, í búntum eins og í Villta vestrinu, en ekki með millfærslum á milli banka, þá eru þeir okkur endanlega glataðir. Satt er það.

Ég þakka ykkur innlitin!

Björn Birgisson, 8.11.2010 kl. 22:48

Þetta með töskurnar er nokkur satt því miður og þegar það var gert gerðu tollverðir og lögregla ekki neitt!

Sigurður Haraldsson, 8.11.2010 kl. 23:02

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Björn Birgisson

Höfundur

Björn Birgisson

Er Ísfirðingur, búsettur í Grindavík síðan 1975, óflokksbundinn alla tíð, en áhugasamur um þjóðmál, smærri sem stærri. Afrekaskráin mín í lífinu er vel varðveitt leyndarmál. Er þó tvöfaldur einherji, þrátt fyrir 18 í forgjöf! Ef mikið liggur við er síminn minn 692-8060.