Öllum batamerkjum í stjórnmálunum ber að fagna

"Ólöf Nordal, varaformaður Sjálfstæðisflokksins segir upplýsingarnar sem komi fram í skýrslu sérfræðingahóps um skuldavanda heimilanna séu mikilvægar."

Hvað er nú að? Ólöf Nordal segir fínt að fá þessa útreikninga og notar ekki tækifærið til að hnjóða í ríkisstjórnina í leiðinni. Ég ætla rétt að vona að blessuð konan hafi ekki dottið eða rekið höfuðið illilega utan í eitthvað, en sé bara svona ánægð með reiknivinnuna sem ríkisstjórnin setti í gang, reyndar með hvatningu og stuðningi góðra afla í þjóðfélaginu.

Ummæli Ólafar Nordal í þessari frétt bera vitni um ágæt batamerki og ég ætla rétt að vona að Guð láti gott á vita.

Það er löngu kominn tími á að Sjálfstæðisflokkurinn, sögulega valdalitill, hætti að hegða sér eins og hundfúll unglingur sem var rekinn út af skólaballinu, fyrir eitthvað sem hann gerði, en vill ekki viðurkenna og þrjóskast við.

Öllum batamerkjum ber að fagna.

Mikilvægir útreikningar

Athugasemdir

[Sigurður Sigurðsson, 10.11.2010 kl. 23:52]

Björn það bara vegna þess að þetta hentar ágætlega fyrir flokkseigendafélagið. Ekki fella niður krónu á almenning þannig að það sé hægt að afskrifa áfram af vinum og vandamönnum

[Ólafur Ingi Hrólfsson, 11.11.2010 kl. 07:14]

Ætli yfirlýsing Ólafar stafi ekki m.a. af því að loksins komi þó eitthvað frá stjórninni sem er í öllu falli hægt að ræða -

Þá verða þær tillögur sem liggja fyrir ö frá stjórninni og frá Sjálfstæðisflokknum ræddar.

Fráleitt verða allar tillögur annars aðilans það sem verður ofaná - stjórnin verður lík að taka tillit til soðana og tillagna stjórnarandstöðunnar.