Faðir, fyrirgef þeim, því þeir vita ekki hvað þeir gjöra

"Ákvörðun um að Ísland verði með á lista þjóða sem styðja innrásina í Írak var tekin 17. mars árið 2003 og rædd á ríkisstjórnarfundi daginn eftir."

Allir vita að lýðræðið var fótum troðið í Írak undir stjórn Saddams sáluga og að þess vegna var miklu meira en sjálfsagt að fótum troða lýðræðið hér heima, ef það mætti leiða til þess að hörmungum Íraka linnti. Sjálfsagt var það hugsunin, ef á annað borð var nokkuð hugsað. Kannski um merkilegri hluti að hugsa á þessum tíma.

Hvenær voru bankarnir einkavæddir?

Helstu taglhnýtingar Kananna hérlendis létu þá stjórna sér algjörlega í þessu máli, enda að einhverju leyti ófærir um að stjórna sér sjálfir, eins og dæmin sanna.

Tvennt fór einkum úrskeiðis í Írak. Þeir áttu ekki vopnin sem búið var að ljúga upp á þá og þeir voru allt of duglegir að hlaupa fyrir byssukúlur innrásarliðsins, sem þó reyndi að einbeita sér að því að drepa bara hermenn. Úr varð slátrun, kannski ekki ósvipuð slátrun krossfaranna, ekki svo fjarri landfræðilega, en því fjær í tíma.

Hvað sagði ekki frelsarinn: Faðir, fyrirgef þeim, því þeir vita ekki hvað þeir gjöra.

Það hef ég gert og nú tel ég Davíð Oddsson og Halldór Ásgrímsson á meðal bestu sona þessarar þjóðar.

Eingöngu pólitískur stuðningur

Athugasemdir

[hilmar jónsson, 11.11.2010 kl. 22:51]

Nú jæja.. Ég hélt að helgin væri ekki byrjuð ?

[Jón Óskarsson (IP-tala skráð) 11.11.2010 kl. 22:51]

Fyrirgefningu á ekki að hugleiða í þessu tilfelli fyrr en hlutaðeigendur fara fram á hana og játa jafnframt að þeim hafi orðið verulega á í messunni. 

Þá fyrst er hægt að hugleiða hvort þeim verið fyrirgefið yfir höfuð.

[Björn Birgisson, 11.11.2010 kl. 23:03]

Hilmar, fyrirgefningin er ekki bundin við helgarnar! Þessi færsla mín undirstrikar bara eitt. Hvað ég get verið vitlaus, en ótrúlega víðsýnn, sérstaklega í þoku fortíðarinnar!

[Björn Birgisson, 11.11.2010 kl. 23:06]

Jón Óskarsson, er ekki alltaf verið að tala um sprota og frumkvöðla nú um stundir. Vildi bara vera aðeins á undan!