Engin furða að virðing Alþingis mælist við frostmark

"Formaður Framsóknarflokksins sagði á Alþingi í dag, að sósíalistar og stórkapítalistar hefðu nú náð saman um tvö verkefni: Að koma skuldum gjaldþrota banka yfir á almenning og koma í veg fyrir almenna skuldaleiðréttingu."

Það virðast engin takmörk fyrir því hvað menn geta látið út úr sér á Alþingi til að koma höggi á andstæðinga sína í pólitík. Til að meiða, særa og skemma. Þá skiptir sannleikurinn engu máli. Bara böðlast áfram með eitthvert drullumall, sambland af sannleika, hálfsannleika og hreinni lygi. Engin furða að virðing Alþingis mælist við frostmark.

Svo kom Vigdís Hauksdóttir, lýðskrumsdrottning þingsins, og flaðraði upp um löggæsluna í landinu til sjós og lands, í þeirri veiku von að einhverjir kjósendur bitu á agnið. Hún er að verða svo fyrirsjáanleg, stúlkan sú, að ekki er annað hægt en að brosa að bjálfalegum bægslaganginum í henni.

Fyrr má nú aldeilis fyrrvera!

Sósíalistar og stórkapítalistar ná saman

Athugasemdir

[Aðalsteinn Agnarsson, 17.11.2010 kl. 20:01]

Björn, mætum á Austurvöll fimmtd. kl.14.00, til að biðja þingmenn um Frjálsar handfæra veiðar,

sem leysa fátæktar og atvinnu vanda Íslendinga!

[Björn Birgisson, 17.11.2010 kl. 20:06]

Aðalsteinn minn, þú mætir, ég verð bara í vinnunni minni! Þú veist að ég styð þig heilshugar í baráttunni. Það er nægur þorskur í sjónum fyrir ykkur krókakarlana og alla hina!

[Aðalsteinn Agnarsson, 17.11.2010 kl. 20:19]

Vildi að þingmenn væru eins og þú, Björn minn, þá væri gott að lifa á Íslandi!

[Björn Birgisson, 17.11.2010 kl. 20:33]

Æi, hvað þetta var sætt af þér, Aðalsteinn minn! Þú veist þó að völd spilla!