Gamla Gufan verður þrungin spennu

"Ríkisútvarpið tók um helgina viðtöl við tæplega fimmhundrað frambjóðendur til Stjórnlagaþings. Fyrstu viðtölunum verður útvarpað á Rás 1 í kvöld, frá klukkan 19 til 24."

Þetta verður örugglega alveg gríðarlega spennandi útsending og víst er að þjóðin mun sitja sem límd við gömlu Gufuna þessar fimm klukkustundir og gleypa í sig hugmyndir frambjóðendanna um stjórnarskrá lýðveldisins Íslands. Ætla rétt að vona að þeir segi ekki allir það sama!

Svo verður kosið á laugardaginn.

Enn og aftur langar mig að óska eftir góðum tilnefningum á kjörseðilinn minn. Á nokkur sæti laus!

Talað var við nærri 500 frambjóðendur

Athugasemdir

[Jóhannes Laxdal Baldvinsson, 22.11.2010 kl. 18:29]

3304

[Axel Þór Kolbeinsson, 22.11.2010 kl. 18:47]

Ég get bent þér á 71.

[Björn Birgisson, 22.11.2010 kl. 18:53]

3304. Hjörtur Hjartarson?

[Björn Birgisson, 22.11.2010 kl. 18:54]

Axel Þór, takk fyrir listann.

[Axel Þór Kolbeinsson, 22.11.2010 kl. 18:57]

Ekkert að þakka.  Þegar ég verð búinn að skera listann niður í þá 25 sem ég ætla mér að kjósa mun ég birta þann lista líka.

[Jóhannes Laxdal Baldvinsson, 22.11.2010 kl. 19:09]

þetta flokkast náttúrulega undir innherjaupplýsingar en ég mæli líka með 2842

[Björn Birgisson, 22.11.2010 kl. 19:15]

2842. Ásgeir Erling Gunnarsson. Er hann ekki frá Ísafirði eins og svo margir góðir menn?

[Jóhannes Laxdal Baldvinsson, 22.11.2010 kl. 19:47]

Jú, hann var framkvæmdastjóri Pólsins á meðan ég bjó fyrir vestan. Við kjósum náttúrulega okkar menn Björn

[hilmar jónsson, 22.11.2010 kl. 20:06]

Björn minn: Ég veit að það hljómar klisjulega, en kjóstu bara eftir hjartanu, í versta falli eftir lifrinni. Ekki blanda heilanum í málið, það líffæri er stórlega ofmetið.

[Björn Birgisson, 22.11.2010 kl. 20:58]

Hilmar, góður punktur með heilann. Mig grunaði þetta alltaf!

[Jónas (IP-tala skráð) 24.11.2010 kl. 23:44]

Núverandi stjórnarskrá tryggir að þjóðin fái ALLTAF að kjósa, í ÞREMUR tilfellum:

1. Ef forseti neitar að staðfesta lög

2. EF STENDUR TIL AÐ BREYTA ÞJÓÐKIRKJUNNI

3. Ef alþingi vill láta reka forsetan.

Séu lög um þjóðkirkju numin í burtu, er um leið verið að nema brott lög um að þjóðin fái að velja sjálf sinn eigin sið. Það er vanvirðing við íslensku þjóðina, lýðræðishefðina og Vestræna Menningu í heild sinni.

Það var einmitt lítil grein um þetta nýlega í Bókatíðinudum 2010 í tilefni af nýrri útgáfu núverandi stjórnarskrárinnar sem til sölu eru í bókabúðum. Ráðlegg öllum að fá sér eintak. Það á enginn erindi að kjósa um breytingar á stjórnarskrá sem hann hefur ekki nennt að lesa og kynna sér, og ég vara alla við að láta hræðsluáróður frá ólýðræðislegum besserwisserum hafa áhrif á val sitt.

Sjálfur er  ég aðskilnaðarsinni, en umfram allt lýðræðissinni, sem virði ekki þá sem bjóða sig fram til að troða einkasannfæringu sinni upp á almenning og vanvirða lýðræðið og þjóðina. 

[Björn Birgisson, 24.11.2010 kl. 23:54]

Takk fyrir þetta, Jónas!