Jólagjafalisti Lilju Mósesdóttur

"Við munum ekki komast út úr kreppunni nema ríkið hætti við niðurskurð, sem leiðir til fækkunar starfa, hækki lágmarksbætur og stuðli að hækkun lágmarkslauna til að örva eftirspurn, ásamt því að veita fjármagni í atvinnuskapandi verkefni," sagði Lilja Mósesdóttir á Alþingi í dag.

Henni Lilju blessaðri leiðist ekkert að segja eitt og annað sem hún veit að ratar beint í fjölmiðlana. Upptalningin hér að ofan minnir nú meira á óraunhæfan jólagjafalista unglings, en alvöru tillögur stjórnmálamanns sem ber eitthvert skynbragð á ástandið. Svona allt fyrir alla pólitík er ekki í boði um þessar mundir.

Um þessi orð Lilju munu margir fella þennan dóm:

Dæmigert lýðskrum hér á ferðinni!

Skyldi Lilja Mósesdóttir vera búin að velja sér nýjan flokk eða hver skyldi framtíð hennar í stjórnmálum verða?

Mörg mistök hafa verið gerð

Athugasemdir

[Axel Jóhann Axelsson, 24.11.2010 kl. 16:01]

Lilja Mósesdóttir er mesti lýðskrumari sem á Alþingi hefur setið í háa herrans tíð.

[XX (IP-tala skráð) 24.11.2010 kl. 16:39]

Nei, hún á langt í þann titil að vera lýðskrumari eða mesti líðskrumari á þingi. Þar er hörð samkeppni. Hún hefur líklega rétt fyrirsér í stórum dráttum. Þegar skorið er niður í panikk og stjórnlaust eins og nú er gert á öllum sviðum verður þetta eins og svelgur þar sem allt streymir niður á við. Það á eftir að koma í ljós á næsu árum þegar menn þora að líta um öxl að um of var sparað í t.d. heilbrigðisþjónustunni og á rangan hátt. Keypt lélegri búnaður og áhöld osfrv, sem síðan eykur kostnað. Á næsta ári mun aðhaldið jafnvel skila rekstarafgangi á ýmsum sviðum, en atvinnuleysistryggingasjóður, sveitarfélögin, sjúkratryggingar og Tryggingastofnunin fá reikninginn til lengri tíma litið í hækkuðum útgjöldum. Atvinnuleysi hefur allstaðar skilað því, að fleiri verða óvinnufærir til frambúðar.Það er óvarlegt að vera með sleggjudóma um þingmenn, þó þeir tali ekki eftir flokkslínum. Oft er meira að marka þá og einnig er sannleikskorn að finna víða. T.d. hafa þau Pétur Blöndal og hún verið sammála í ýmsum atriðum. Þó þau greini ábyggilega á um leiðir.

[Reykvíkingurinn (IP-tala skráð) 25.11.2010 kl. 21:28]

"Lýðskrumari" er nýjasta tískuyrði fasískra flokkshunda sem þeir gelta út í loftið sem þeir óðu flokkshundar sem þeir eru, þegar einhver dirfist að vera ósammála Fjórflokksleiðtogunum sem þeir dilla rófunni fyrir dag og nótt,  kynvilltu flokksdindarnir sem þeir eru.

 Lilja er enginn lýðskrumari. Hún er réttsýn kona, sem þorir að fylgja eigin samvisku og innsæi, en það er ekki vinsælt í hennar sauðahjörð, sem hún á ekki heima í og á að yfirgefa, því hún er alls enginn sauður og átti aldrei heima þar. Hún á að stofna sinn eigin flokk. Ef hún segði já og amen við öllu sem gagnslausi gjammandi , sínöldrandi Steingrímur, sem aldrei nokkurn tíman lætur verkin tala, eða hugsar út fyrir það sem Alþjóða Gjaldeyrissjóðurinn sem eyðilagði efnahag Argentínu og þurrkaði út millistéttina þar, eins og er að gerast hér núna, og ótal fleiri lönd...hefur heilaþvegið hann til að halda að hann hugsi, blessaður drengurinn sem aldrei hefur kunnað að hugsa, og nú er full seint að reyna að kenna svo gömlum flokkshundi það, en þeim mun einfaldara að heilaþvo hann og nota sem strengjabrúðu og taminn uppvakning til að fremja hvaða myrkraverk í heilaleysi sem illum öflum svo sýnist...og sama gildir um Jóhönnu gömlu elliglöp sem ætti að vera löngu komin á elliheimili og hinar mannvitsbrekkurnar sem fara með "völd", á þann hátt að sleikja grútskítugar tær Alþjóða Gjaldeyrissjóðsins dag og nótt og selja þjóðina fyrir spottprís.

Nei, Lilja á ekki heima í þessum hópi vangeflinga í bland við einn og einn vitiborinn stjórnmálamann sem veit hvað hann er að gera, og mætti því frekar flokka sem glæpamann en vangefling, en landráðsmaður er landráðsmaður sama hvort hann er vangefinn og fremur landráð í heimsku og afþví hann er leiðitaminn og auðheilaþveginn hálfviti, eða vitandi vits, eins og minnihlutinn inn á Alþingi. Lilja er hvorki vangefin né glæpamaður og ætti að stofna flokk með þeim örfáu stjórnmálamönnum heiðarleika sem eftir eru á landinu, og fá til liðs við sig nýtt og óspillt fólk, sem er hvorki heimskt og kann ekki fótum sínum forráð, en skundar heilaþvegið hvert sem strengirnir stíra þeim, og ætti að vera úthlutað starf við hæfi þar sem blind hlýðni og undirgefni er í raun kostur, en ekki löstur eins og í núverandi starfi þeirra, né siðlausir glæpamenn, en þessum tveimur hópum tilheyra vitfirringarnir á alþingi alltof margir. 

[Björn Birgisson, 25.11.2010 kl. 21:37]

Reykvíkingurinn, þakka þér þetta málefnalega , víðsýna og hófstillta innlit!