Glæpamenn eru verndaðasta stéttin á Íslandi í dag

"Héraðsdómur Reykjavíkur hefur sýknað tvo menn af ákæru um stórfellt fíkniefnalagabrot með því staðið að ólögmætum innflutningi á 3.736,11 gr. af 4-flúoróamfetamíni, ætluðu til söludreifingar í ágóðaskyni hér á landi."

Sumar fréttir þarf maður að lesa nokkrum sinnum. Þessi er ein þeirra.

Þessi dómur er með öllu óskiljanlegur, sérstaklega í ljósi þess að annar maðurinn sagðist hafa haldið að þetta væri lyktarlaust kókaín! (Skv. Bylgjunni)

Í augum leikmannsins á götunni er augljóst að hér var verið að fremja vondan glæp í ágóðaskyni. Sá ágóði hefði líklega lagt nokkur mannslíf í rúst í leiðinni.

Það skiptir engu máli. Ekki nokkru.

Einhver smávægileg lagatæknileg atriði leiða til sýknu mannanna. Ef ég flyt inn einhver splunkuný eiturlyf, sem hvergi er minnst á í neinum lögum, þá er það í fínu lagi, þótt tilgangur minn sé augljós!

Ég hef áður sagt og segi enn: Það hlýtur að vera frábært að vera glæpamaður á Íslandi.

Því meiri glæpamaður, því betra. Því stærri glæpir því betra.

Ég held að glæpamenn séu verndaðasta stéttin á Íslandi í dag.

 

Sýknaðir af ákæru um fíkniefnainnflutning