Hvað gera þingmenn Sjálfstæðisflokksins?

"Steingrímur J. Sigfússon fjármálaráðherra fagnar nýja Icesave-samkomulaginu, sem kynnt var í gær. Samningurinn er að hans mati risaáfangi í endurreisn Íslands og ekki sanngjarnt að bera nýjan samning saman við þann gamla."

Þessi afstaða Steingríms þarf ekki að koma nokkrum manni á óvart. Sigmundur Davíð Gunnlaugsson, formaður Framsóknarflokksins, sagði í Mogganum í morgun að réttast væri að vísa þessu máli til þjóðarinnar, sem þýðir væntanlega að hans flokkur hyggist ekki samþykkja samninginn.

Hvað gera þingmenn Sjálfstæðisflokksins?

Ekki er ólíklegt að Ólafur Ragnar forseti sé einmitt að velta því fyrir sér.

Fari svo að þessi samningur verði samþykktur með naumum meirihluta í þinginu, væri forsetinn vís til að skjóta málinu til þjóðarinnar að nýju.

Því er það ekkert verri tilgáta en hver önnur að örlög þessa máls hvíli að miklu leyti á herðum þingmanna Sjálfstæðisflokksins.

Einhver gæti sagt að það væri líka við hæfi og haft all nokkuð til síns máls!

 

 

„Risaáfangi í endurreisn Íslands“

Athugasemdir

[Hrólfur Þ Hraundal, 10.12.2010 kl. 11:54]

Það er ekkert nýtt að Steingrímur fagni, þannig er nefnilega oft með þá sem láta aðra borga drykkina sína og segja svo skömm þér á bak þeim á eftir. 

Auðvita er það þjóðarinnar að samþykkja eða hafna greiðslum sem henni er ætlað að greiða.  En vandinn er sá að ekkert virkar á Steingrím.  Það dugar ekki einu sinni að sigra hann með yfir 90% atkvæða. 

Þú ert ljóslega í sæluríki B. Byrgisson.      

[Óðinn Þórisson, 10.12.2010 kl. 12:13]

Björn - Bjarni Ben. hefur talað fyrir dómstólaleiðinni og því ólíklegt að hann fyrir hönd Sjálfstæðisflokksins hafni þessum nýja " glæsilega " samningi - og auðvitað bíður Ólafur eftir Sjálfstæðisflokknum ef hann segir NEI, þá verður þjóðaratkvæðagreiðsla og mun þjóðin aftur hafna að greiða skuld einkabanka og telja eflaust þá margir að dagar þessarar ríkisstjórnar séu taldir

[Björn Birgisson, 10.12.2010 kl. 12:54]

Hrólfur, ég bý í sama "sæluríki" og þú.

[Björn Birgisson, 10.12.2010 kl. 13:02]

Óðinn, líklega endar þetta hjá þjóðinni, sem mun fella samninginn. En eins og sagði í færslunni. Það veltur heilmikið á afstöðu Sjálfsræðisflokksins.