Heppinn?

"Lögreglan á Akureyri hafði undir morgun afskipti af ökumanni í Héðinsfjarðargöngum sem keyrði á 183 km/klst hraða en hámarkshraðinn er 70 km/klst."

Það er kannski kaldhæðnislegt að segja að þessi piltur hafi verið heppinn. Heppinn að vakna án þess að hafa eitt eða fleiri mannslíf á samviskunni. Eða örkumlað fólk. Heppinn að vakna yfirleitt.

Sextán ára án réttinda og reynslu, með allt lífið framundan.

Skyldi hann endurtaka leikinn eða láta þetta sér að kenningu verða?

Réttindalaus á 183 km/klst

Athugasemdir

[corvus corax, 12.12.2010 kl. 13:20]

Og hver eru viðurlögin? Þessi náungi á auðvitað ekki að fá leyfi til að öðlast ökuréttindi fyrr en a.m.k. 20 ára og þá eftir þroskamat hjá þar til hæfum sérfræðingum. En sanniði til, hann mun fá ökuleyfi 17 ára eins og aðrir.

[Björn Birgisson, 12.12.2010 kl. 13:23]

Líklega.

[Sæmundur (IP-tala skráð) 12.12.2010 kl. 15:46]

Það er náttúrlega ástæða fyrir svona áhættuhegðun. Vanræksla fullorðinna gagnvart barninu myndi ég giska á. Ekki er víst að þetta barn hafi fengið jólagjöf ár hvert frá fæðingu. Einnig gæti það hafa sætt beinlínis illri meðferð auk þess að vera með einhver þroskafrávik. Ef neyslu er bætt við þetta allt, þá er stutt í þessa hegðun og þaðan af verri hegðun.

[Björn Birgisson, 12.12.2010 kl. 18:04]

Sæmumdur, vel gætir þú haft rétt þér fyrir hvað alla þessa þætti varðar. Svo gæti líka ekkert af þessu sem þú nefnir átt við. Ekkert veit ég um það. Mildi að ekki hlaust slys af þessum ofsaakstri. Það er aðalatriðið fyrir alla.

[Fyrrum hálfviti (IP-tala skráð) 12.12.2010 kl. 21:10]

Gæti verið rétt hjá þér Sæmundur, en menn þurfa ekki endilega að hafa fengið slæmt uppeldi til að sýna af sér svona hegðun. Það getur farið eftir ýmsum öðrum aðstæðum eins og hópþrýstingi, einelti eða bara eðli viðkomandi. Sjálfur hagaði ég mér eins og hálfviti eftir að ég fékk bílpróf, þrátt fyrir að hafa fengið ósköp venjulegt uppeldi hjá ástríkum foreldrum. Þau gerðu að vísu þau mistök að treysta mér til að höndla 180 hestafla bíl sem ég ók sjaldnast undir 100 kílómetra hraðanum og stundum upp í 200. Ég hef stundum hugsað um hvað gekk á í hausnum á mér á þessum tíma til að útskýra þessa hegðun, það eina sem mér dettur í hug er bara það að ég átti svolítið erfitt með að aðlagast félagslega nýjum skóla. Sem betur fer fyrir einskæra heppni, þá slasaði ég hvorki aðra né sjálfan mig og bíllinn gafst upp að lokum á meðferðinni. Er búinn að þroskast í dag, en því miður eru alltof margir hálfvitar eins og ég þarna úti, sem einmitt eins og ég gerði, halda að þeir séu ódrepandi.

[Björn Birgisson, 12.12.2010 kl. 21:18]

Fyrrum hálfviti, þakka þér kærlega innleggið og gangi þér sem best í umferðinni.

[Sigurður (IP-tala skráð) 12.12.2010 kl. 21:21]

Sæmundur þu ert greinilega mesta fifl i heimi! að staðhæfa svona! Eg þekki þennan dreng og foreldri hans og þau eru bara osköp venjuleg. Þu attar þig kannski a þvi að hann mun kannski lesa þetta? þa ert þu nu ekki að gera neitt betra...

Þetta hinsvegar segjir meira um þig en alla aðra. Þetta hefur verið svona siðan þessi göng komu og er það einfaldlega vegna þess að vegagerðin hefur ekkis ett myndavelar inn i þau og þar af leiðandi keyra menn bara a 200 þarna i gegn og eg skal alveg viðurkenna að eg hef keyrt þarna i gegn a 200km hraða. Það er ekki utaf þvi að eg er geðveikur eða illa upp allinn eins og þu segir eg er reglubundinn, drekk ekki og reyki ekki. eg var einfaldlega að leika mer, auðvitað er þetta algjör heimska en eg var bara að athuga hvað eg kæmi bilnum upp i og prufa hvernig er að vera a svona hraða.

[Björn Birgisson, 12.12.2010 kl. 21:35]

Það hefur alltaf verið einhver tryllingur í æskunni og sá tryllingur er ekki bundinn við Ísland. Það er engin tilviljun að 17-23 ára ökumenn gerast gjarnan "góðkunningjar" tryggingafélaganna. Ég veit dæmi þess að 18 ára guttar hafi verið á yfir 370 hestafla luxuskerrum og hvað býður það upp á?

Það sem Sæmundur sagði hér að ofan gæti átt við marga, en algjörlega fráleitt að alhæfa um það í umræddu tilviki, en viss er ég um að oft eiga hans skýringar við engu að síður.

Ég segi nú bara á aðventunni: Förum með gætni í umferðinni og fjölgum ekki andlátstilkynningum í Mogganum að nauðsynjalausu. Nóg er nú skammdegið fyrir.

[Kristófer Þór Jóhannsson, 13.12.2010 kl. 00:48]

Heyrðu félagar, ég er núna með þessum stráki hérna og þetta er bara fínasti náungi, foreldrar hans eru mjög góðir og hann er vel uppalinn, ALLIR GERA MISTOK.

 Þessi strákur er bara fínasti strákur og mér finnst þetta leiðindi að vera segja eithvað um hann án þess að vita hver hann er.. og dæma hann fyrir eitt mistök sem hann gerði, en viðurkenni samt að þetta var ekkert lítið mál. en samt sýnið smá virðingu útaf þessi strákur getur alveg séð hvað þið eruð að skrifa um hann og hann er ekkert ánægður með það.

en get sagt ykkur það að hann sér verulega mikið eftir þessu enda mikill bílaaðdáandi.

..

[Gemle Gemle (IP-tala skráð) 13.12.2010 kl. 14:41]

Eruð þið vitlausir. Ég þekki ökuþórin vel og hann er enginn vitleysingur.

Ég er farinn að halda að hann Sæmundur félagi okkar hafi aldrei fengið afmælisgjöf né páskaegg frá ungra aldri. Maður á ekki að dæma fyrirframm. Hvernig haldið þið að foreldrum hans líði við þessa frétt.

Hann er flottur náungi og hefur gert þetta í hugsunarleysi og sér gríðarlega mikið eftir þessu núna. Þessi göng bjóða upp á hraðakstur og er hann ekki sá fyrsti sem lætur bensínið tala. Hann er bara fyrstur gripin að verki og er því óheppinn. En að sjálfsögðu ekki skynsamlegt hjá kauða.

[Guðmundur Gauti Sveinsson (IP-tala skráð) 14.12.2010 kl. 00:32]

Sælir spekingar ,

Það sem Sæmundur er að segja fær mig til að brosa. Að telja upp þessar ástæður fyrir þessum verknaði er bara grín . Ég listaði þetta upp .

"Vanræksla fullorðinna gagnvart barninu "

"Ekki fengið jólagjöf ár hvert frá fæðingu."

" Gæti hafa sætt illri meðferð "

" þroskafrávik "

" neysla "

 Nú þekkir þú líklegast drenginn ekkert sem var stöðvaður , hvernig detta þér þessar ástæður í hug ?