Er ekki líklegra að Icesave drullumallið sé á byrjunarreit?

"Ögmundur Jónasson, dóms- og samgönguráðherra, segir að margt bendi til þess að Íslendingar séu komnir á endastöð í Icesave-málinu."

Ég er ekki jafn viss og Ögmundur um þessa endastöð. Hann byggir sitt álit á að stjórnarandstaðan skríði upp úr sínum skotgröfum og að samningurinn verði samþykktur með miklum meirihluta atkvæða á Alþingi. Ég leyfi mér að stórefast um að svo verði.

Það kæmi mér ekkert á óvart að meirihluti þingmanna þessara stjórnarandstöðuflokka sitji hjá við atkvæðagreiðsluna og málið rétt leki í gegn um þingið.

Hvað gerir forseti landsins þá?

Vísar málinu til þjóðarinnar.

Icesave málið er fjarri því að vera á nokkurri endastöð.

Miklu heldur á byrjunarreit.

Icesave á endastöð

Athugasemdir

[Doddi (IP-tala skráð) 12.12.2010 kl. 20:46]

Íhaldið sýnir vel sitt rétta eðli þessa dagana. Óheiðarleiki og blekkingar gagnvart fólkinu í landinu eru þeirra aðalsmerki. Þeir sjálfir ákváðu að fara samningaleið og samningar voru langt komnir þegar ný ríkisstjórn tók við. Þeir voru búnir að semja um 6,7% vexti. Steingrími er vorkunn að hafa tekið við þessu, auk þess sem pressan var gríðarleg úr öllum áttum. Hann taldi góðan árangur að hafa náð vöxtunum niður í 5,5%. Það var rangt mat hjá honum, en mat íhaldsins hlýtur að hafa verið enn rangara, því þeir voru búnir að semja um 6,7%.

[Björn Birgisson, 12.12.2010 kl. 20:53]

Sveinn, er þetta ekki eitthvað sem allir vita og viðurkenna? Nema kannski ..........