Fyrirgef oss vorar skuldir, svo sem vér og fyrirgefum vorum skuldunautum

"Að beiðni skiptastjóra athugaði endurskoðandi efnahag 365 hf. (Íslenskrar afþreyingar ehf.) eins og hann var eftir að Rauðsól ehf. keypti 365 miðla ehf. af 365 hf., hinn 3. nóvember 2008 og taldi hann að áætla mætti að skuldir félagsins umfram eignir hefðu verið 4.697.290.689 krónur, hinn 31. desember 2008."

Maður er að verða ónæmur fyrir fréttum af þessu endalausa fjármálasukki. Lokasetning þessarar fréttar virkar eins og löðrungur.

Endurskoðandinn taldi að áætla mætti að skuldir félagsins umfram eignir hefðu verið 4.697.290.689 krónur, hinn 31. desember 2008.

4,7 milljarðar.

Fjögur þúsund og sjöhundruð milljónir í skuld, umfram eignir. Þetta var fyrir tveimur árum.

Hvernig skyldi staðan vera í dag?

Manni verður svo illt við svona fréttir að líklega væri best að planta sér í djúpan stól, stilla á Stöð 2 og horfa á eitthvað skemmtilegt og reyna að gleyma þessum leiðindafréttum!

Greiðslu á láni til Íslandsbanka rift

Athugasemdir

[Guðmundur Ásgeirsson, 22.12.2010 kl. 14:41]

Björn, gerirðu þér ekki grein fyrir hversu mikil þversögn felst í því að býsnast yfir sukkinu hjá þessu fyrirtæki, og vera á sama tíma áskrifandi að Stöð 2?

Eða var síðasta línan í færslunni kannski bara kaldhæðnislegur brandari sem ég er núna búinn að eyðileggja?  Ef svo er biðst ég velvirðingar.

[Björn Birgisson, 22.12.2010 kl. 15:03]

Guðmundur minn, ég hef ekki sagt brandara í 13 ár!

[Guðmundur Ásgeirsson, 23.12.2010 kl. 16:58]

Gott og vel, ég skil þig samt vel að vilja bara slappa af yfir einhverju skemmtilegu sjónvarpsefni frekar en velta þér of mikið upp úr þessu.

[Björn Birgisson, 23.12.2010 kl. 17:14]

Jamm! Gleðilega hátíð, Guðmundur minn!