Nú hlær Össur

Það er sjaldan lognmolla í kringum Össur Skarphéðinsson, ráðherra og skemmtikraft. Með leiftrandi kímni og prakkaraskap vekur hann oft upp mikil viðbrögð andstæðinga sinna og skellihlær svo að móðursýkislegum viðbrögðum þeirra. Þannig líður honum best.

"Um stöðu Lilju Mósesdóttur sagði Össur þetta:

,,Í öllum góðum stóðum eru burðugar hryssur með strok í genum og sjálfstæðan vilja. Hún er öflugur þingmaður, en ræður sínum næturstað. Það mun ekki hafa áhrif á stöðu ríkisstjórnarinnar, jafnvel þó folaldið fylgi."

Össur er skemmtilegur maður, vel máli farinn og tvímælalaust einn besti ræðumaður þingsins og sá þingmaður sem einna best hefur vald á málinu okkar.

Ég sé nákvæmlega ekkert athugavert við tilvitnaða setningu hér að ofan. Þvert á móti finnst mér hún mjög flott og Lilju til vegsauka ef eitthvað er.

Þeir sem geta agnúast út í þessi sakleysislegu orð hafa greinilega um fátt eitt að hugsa.

Segir Össur sýna VG fyrirlitningu

Athugasemdir

[Svavar Bjarnason, 2.1.2011 kl. 17:35]

Ég sé að sumir eru að hneykslast á orðum Össurar, þar sem hann líkti Lilju við hryssu. Ég fletti svolítið gegnum moggabloggið til að skoða orðaforða manna. Til dæmis er einn bloggarinn, sem ítrekað hefur uppnefnt Jóhönnu og kallað hana kerlingartruntu og landráðamenneskju og reyndar kallað ríkisstjórnina landráðapakk. Þessi maður er núna yfir sig hneykslaður.

Já, það er ekki sama hver talar og um hvern er talað.

[Björn Birgisson, 2.1.2011 kl. 17:41]

Svavar, þetta er bara fyndið. Glerhúsin farin að standa fyrir grjótkasti!

[Axel Jóhann Hallgrímsson, 2.1.2011 kl. 17:50]

Vel orðað Björn og góð athugasemd hjá Svavari.

[Björn Birgisson, 2.1.2011 kl. 18:01]

Axel Jóhann, þakka þér, sem stundum fyrr!

[Sævar Helgason, 2.1.2011 kl. 18:18]

Auðvitað er þetta fínt áramótaskaup hjá Össuri-hann kann þetta öðrum fremur

[Björn Birgisson, 2.1.2011 kl. 18:21]

Sævar, honum Össuri leiðist ekki þegar lognið fer að fara hraðar yfir!

[hilmar jónsson, 2.1.2011 kl. 19:33]

Læt vera með skemmtanagildið í stundum ansi miklum vaðli hjá Össuri. Hann á það til að vera ansi fljótfær og lætur oftar en ekki stjórnast of mikið af tilfinningum mómentsins..

En það gera svo sem fleiri...

[Íslandi allt. (IP-tala skráð) 2.1.2011 kl. 19:42]

Ef Össur-Icesave vissi eitthvað um eitthvað annað en fiskakynlíf. Hann er bæði illa að sér um flest sem skiptir máli, sneyddur dómgreind, siðferði eins og Icesave málið sannaði best, og kann ekki ensku. Það var mjög neyðarlegt að lesa meðmælabréfið fræga til að mæla með einum af hrunráðherrunum sem Össur skrifaði til Sameinuðu Þjóðanna, fullt af óskiljanlegum hlutum, sem skiljast samkvæmt íslenskri málhefð en ekki ensku, svo og málfræðivillum og öðrum gloríum. Þessi maður er okkar að athlægi og við verðum að losna við hann. Hann skaðar bæði ímynd okkar og er stórhættulegur með siðleysi sínu. Fyndinn er hann ekki. Alvöru húmor ber vitni um gott hugmyndaflug og er sprottið af þörfinni fyrir að miðla gleði og hlátri, og barnslegri leikgleði sem ber vitni persónutöfrum. Össur er bara eins og eineltispúkinn feiti að reyna að vinna sér stig með að benda á það sem fer miður hjá hinum krökkunum, og fá þannig minni athygli sjálfur, fyrir sín fjölmörgu heimskupör og stórfelldu föðurlandssvik, svo sem Icesave og aðrar tásleikingar sem hann hefur staðið í fyrir hönd erlendra milljónamæringa.

[Björn Birgisson, 2.1.2011 kl. 20:57]

Íslandi allt, ég þakka þér innlitið.

[Hrafn Arnarson (IP-tala skráð) 3.1.2011 kl. 10:52]

Það er skiljanlegt að "Íslandi allt" skuli vera nafnlaus. Ég er sammála þér Björn.

[ransý (IP-tala skráð) 3.1.2011 kl. 14:33]

 Eg helf aldrei óttast um að Össur okkar hengdi sig i kurteisi eða mannasiðum !!

[doctore (IP-tala skráð) 3.1.2011 kl. 15:42]

Menn eiga að tala hreint út... ekkert rósamál.
Ég hef reyndar aldrei getað hlegið að neinu sem Össur segir; Bróðir hans er mun fyndnari(Algerlega óvart)