Bandarískir lögmenn fái ekki greitt af almannafé

"Birgitta Jónsdóttir, alþingismaður, hefur fengið bandaríska lögmenn sér til aðstoðar vegna kröfu bandarískra stjórnvalda um að samskiptavefurinn Twitter afhendi gögn um netnotkun hennar og fleiri einstaklinga, sem tengst hafa vefnum WikiLeaks."

Gott mál að reyna að tryggja sinn rétt og fá til þess góða leiðsögn.

Gott mál.

Þangað til okkur verður sagt að kostnaðurinn lendi á skattgreiðendum í okkar blanka landi.

Það væri vont mál. Afleitt mál. Eitthvað sem kemur ekki til greina.

Kannski kemur ekki til þess.

Birgitta er ekki í þessari aðstöðu sem fulltrúi þjóðarinnar á nokkurn hátt.

Hún er á eigin vegum í þessari vegferð og henni ber að ljúka henni þannig.

Það er ekki skattgreiðenda hér á landi að greiða herkostnaðinn.

 

Bandarískir lögmenn aðstoða Birgittu

Athugasemdir

[Axel Jóhann Axelsson, 11.1.2011 kl. 19:08]

Það væri nú eftir öðru, ef skella ætti lögfræðikostnaði hennar í Bandaríkjunum á íslenska skattgreiðendur, sem líka eiga á hættu að verða látnir greiða stórfé fyrir allt annars konar skúrka.

[Björn Birgisson, 11.1.2011 kl. 21:28]

Axel, það væri hreinlega út úr öllu korti. Skattgreiðendur hérlendis eiga nógu bágt eftir brimskafla frjálshyggjunnar á umliðnum árum.