Þegar mýsnar hóta málaferlum hlær þjóðin

"Arnþrúður Karlsdóttir, hinn umdeildi útvarpsstjóri Sögu, hefur um nokkurra mánaða skeið haft í heitingum við Eið Guðnason, málfarsráðgjafa og fyrrverandi ráðherra.

Taldi útvarpsstjórinn að Eiður hefði með skrifum sínum vegið að heiðri sínum með þeim hætti að skaðabóta sé þörf. Upplýsti Arnþrúður að hún myndi krefjast milljóna úr vasa Eiðs. Síðan hafa liðið mánuðir og ekkert bólar á stefnu." segir DV.is

Guðlaugur Þór Þórðarson, þingmaður, hótaði líka að stefna Birni Val Gíslasyni þingmanni VG fyrir meiðyrði í sinn garð, þegar Björn Valur kallaði ofurstyrki til Guðlaugs (sem enn eru leyndarmál) mútufé til þingmannsins.

Af hverju kærir þetta lið ekki?

Af því að kærum fylgja uppljóstranir og upplýsingar. Allt kemur fram í dagsljósið.

Það vilja svona pótintátar ekki.

Betra að hóta, ögra og rífa meiningarlausan kjaft.

Til þess eins að vekja almennan aðhlátur landsmanna.

Hnípin þjóð í vanda tekur slíku skemmtiefni vel, enda fátt um góð tíðindi um þessar mundir!

Athugasemdir

[Hörður Sigurðsson Diego, 18.1.2011 kl. 00:54]

Ef ég væri kallaður saursuga á netinu þá myndi ég hringja í lögguna.

[Guðmundur Ingi Kristinsson (IP-tala skráð) 18.1.2011 kl. 03:32]

Merkilegt að einhver vitni í útvarp Sögu.

[Svavar Bjarnason (IP-tala skráð) 18.1.2011 kl. 13:27]

Arnþrúður hótaði Eiði því að hún myndi hryngja í konuna hans og segja henni frá ýmsu ljótu sem hún vissi um hann. Hún lét verða að hótuninni og hringdi.

Ég ætla nú ekki að segja neitt meira um Arnþrúði, því hún gæti kannski grafið eitthvað ljótt um mig og hringt í konuna mína!!

[Björn Birgisson, 18.1.2011 kl. 13:31]

Svavar, ég leyfi mér að efast um að þetta sé rétt með hringinguna. Hversu áreiðanlegar eru þínar heimildir?

Ekki þó Gróa á Efstaleiti?

[Baldur Hermannsson, 18.1.2011 kl. 14:05]

Já það er hvimleitt þegar fólk er einlægt með hnefann á lofti, hótandi erfiðum dauðdaga og eilífum kvölum, en gerir svo ekkert í málinu. Menn gera sig að ómerkingum með svona ráðslagi. Ekki svo að skilja að þeir eigi allir úr háum söðli að detta.

[Baldur Hermannsson, 18.1.2011 kl. 14:07]

Björn, eitthvað var samt Sögufrúin að blanda spúsunni í rifrildið, það var miður smekklegt en kannski leist henni alveg á karlinn og vildi heldur þjarma að konunni.

[Svavar Bjarnason (IP-tala skráð) 18.1.2011 kl. 14:19]

Í bloggi Eiðs frá  sept. s.l. má lesa:

"Þegar Arnþrúður Karlsdóttir hinsvegar hefur í hótunum við eiginkonu Molaskrifara eins og hún gerir í athugasemdum við Mola ( Molar 393) er mælirinn fullur , – og skekinn. Hótun Arnþrúðar Karlsdóttur um að ryðjast inn á heimili okkar er alvarlegt mál og líklega einsdæmi á blogginu."

Í kommenti við Mola 393 skrifar Arnþrúður:  " Hvernig voru djammferðir þínar í Færeyjum, þegar þú mættir þangað fyrir Íslands hönd? Eigum við að rifja það upp?? "

Svo í næsta kommenti við sömu bloggsíðu: " Það væri gaman að fara og heimsækja eiginkonu Eiðs."

Ef til vill er ekki rétt að Arnþrúður hafi hringt sjálf en Pétur Gunnlaugsson, samstarfsaðili Arnþrúðar gerði það hins vegar, seint að laugardagskveldi, að sögn Eiðs.

Að sjálfsögðu veit ég ekkert um umræðuefnið.

En það þarf sérstakt innræti til að hafa í frammi svona hótanir.

[Björn Birgisson, 18.1.2011 kl. 14:23]

Það gerist ekki betra í Séð & Heyrt!

[Baldur Hermannsson, 18.1.2011 kl. 16:32]

Þar hefur maður það. Sögumaddaman kemst ekki ýkja vel frá þessari atburðarás. En gamli kratinn stendur keikur...enginn svikkur á honum frekar en endranær.

[Björn Birgisson, 18.1.2011 kl. 16:42]

Svavar, takk fyrir þessar upplýsingar!

[Björn Birgisson, 18.1.2011 kl. 16:45]

Baldur, kemst hún vel frá nokkrum hlut? Eru ekki alltaf einhver fárviðri í kring um hana og þessa stöð hennar, sem ég hlusta reyndar aldrei á? Lestu svo nýjustu færsluna mína um úrslit sumarkosninganna! En farðu ekki lengra með úrslitin að sinni!