Engum þarf að leiðast í vinnunni hjá Ögmundi

"Ríkisstofnanir á vegum innanríkisráðuneytisins kaupa 86 eintök af dagblöðum í hverjum mánuði og 13 vefáskriftir og greiða fyrir það 307 þúsund krónur."

Svo fara 33 þúsund krónur í að kaupa héraðsfréttablöð. 340 þúsund á mánuði fara í þetta.

Það gerir útgjöld upp á rúmar fjórar milljónir á ári.

Þá á eftir að taka áskriftir að sjónvarpi með í reikninginn. Mörður Árnason spurði ekkert um þær.

Þetta er fallega gert af innanríkisráðuneytinu og Ögmundi húsbónda þar. Að sjá til þess að blessuðu fólkinu leiðist ekki í vinnunni sinni.

Það getur valið á milli blaðalesturs og sjónvarps, nú eða bara flakkað á netinu, svona þegar það er ekki í mat eða kaffi!

Svo þarf auðvitað að vinna svolítið líka!

Hvað skyldu margar vinnustundir hafa farið í að taka saman listann sem sjá má í svari innanríkisráðherra hér að neðan?

Svar innanríkisráðherra

Til hvers var Mörður að spyrja um þetta yfirhöfuð?