Bull og þvæla í anda 2007

Í úrvalsdeild karla í körfuknattleik eru 12 lið. Heimilt er að tefla fram 12 leikmönnum í hverjum leik. 12 leikmenn í 12 liðum eru 144 leikmenn. Vitaskuld eru fleiri að æfa. Af þessum 144 eru 32 leikmenn erlendir, eða rúmlega 22%.

Ef erlendu leikmönnunum fjölgaði um fjóra gætu þeir tölulega séð myndað þrjú af þessum tólf liðum!

Vera þessara manna hér kostar auðvitað stórar fjárhæðir. Þetta er komið út í tóma vitleysu og það sama gildir um erlenda leikmenn í öðrum boltagreinum hérlendis.

Hvað er að því að treysta á heimafólkið og sætta sig við þann árangur sem það nær?

Á kannski íþróttahreyfingin hérlendis nóg af peningum?

Held ekki.

Athugasemdir

[Guðmundur Júlíusson, 26.2.2011 kl. 02:57]

Sammála, það er engin hæfa að halda þessu úti eins og horfurnar eru í dag, þessir leikmennn hversu ágætir sem þeir geta verið eru dragbítur á þá ungu menn sem bíða eftir tækifæri í félögunum!

Björn, ég hélt að þú værir lagstur á koddann góða? 

[Doddi (IP-tala skráð) 26.2.2011 kl. 09:14]

Hvað ætli séu margir íslendingar í liðum erlendis? Gæti trúað að þeir séu fleiri en 32, sérstaklega í handboltanum. Það eru meira að segja íslenskir körfuboltamenn erlendis í atvinnumennsku. Held við ættum ekkert að amast við þessum fjölda. Þegar við erum orðnir nógu góðir, þá hægir á þessu.

[Björn Birgisson, 26.2.2011 kl. 13:52]

Sveinn, erlendis skipta áhorfendur oftast þúsundum og aurarnir streyma í kassann. Hér eru þeir kannski 300, jafnvel færrri, fram að úrslitakeppninni. Kaup á leikmönnum eru á engan hátt sambærileg á litla Íslandi og í hinum stóra heimi.