100% asnastrik skal 100% skattlagt! Kannski í næstu kosningum með 100% atkvæðahrapi?

"Ólína Þorvarðardóttir, þingmaður Samfylkingarinnar, segist treysta því að ríkisstjórnin eða stjórnarflokkarnir leggi strax fram frumvarp um 70-80% skatt á laun sem fara yfir 1200 þúsund krónur á mánuði."

Ofurskatt á ofurlaun!

70-80% skattur er of lítið til að þetta dæmi gangi upp.

Skatturinn verður að vera 100% til að samsama sig þessari hrikalega heimskulegu hugmynd, sem er 100% sú alvitlausasta sem fram hefur komið frá henni Ólínu og öðrum stjórnarliðum og samt má tína eitt og annað til, til samanburðar! Var ekki Steingrímur volgur fyrir hugmyndinni? Jú, heyrði það á Bylgjunni í kvöld!

Af hverju má ekki harðduglegt, skynsamt og heppið fólk þéna vel?

Af hverju má ekki sá sem fær snjalla hugmynd og framkvæmir hana með stæl og við miklar vinsældir, fá yfir 1200 þúsund kall á mánuði, ef hugmyndin skilar svo góðum rentum?

Skil alveg pirringinn vegna launa bankastjóranna, sem starfa með bjarghring alþýðunnar um sig miðja, komi til þess að þeir klúðri illilega aftur. Sem þeir munu væntanlega gera.

Mín vegna má hinn duglegi og snjalli þéna gríðarlega vel. Dugnaður hans skilar mörgum skildingum í ríkiskassann. Eftir ýmsum leiðum.

Enginn má þó hafa slík laun í opinberri þjónustu. Þar dreg ég línuna.

Það lið má alls ekki fara yfir milluna á mánuði.

Enda umbun þess oft og tíðum að fá orðu frá forsetanum, að loknum starfsferli, fyrir það eitt að mæta sæmilega í vinnuna!

PS. Það sem enginn spyr um eða nefnir. Hvaðan komu hugmyndirnar um stórhækkuð laun bankastjóranna? Duttu þær af himnum ofan? Komu þær frá bankastjórunum sjálfum? Komu þær frá stjórnum bankanna? Hvaðan komu þær? Komu þær kannski frá stórum viðskiptavinum, sem miklu ráða í skjóli fjármagns síns? Eru þetta kannski bara mútur í sparifötunum?

Var ekki Lárus Welding alltaf þokkalega til fara?

Nóg komið af vitleysunni

Athugasemdir

[Bergljót Gunnarsdóttir, 8.3.2011 kl. 20:28]

Byrja á því að stinga á bjarghringi bankastjóranna og vona að þeir séu ósyndir. Mér finnst líka hugtakið "mútur í sparifötum" lýsa allri  i græðginni og stjórnleysis vitleysunni mjög vel. Maður gæti næstum haldið að þetta bankalið hafi verið fjarstýrt í den, og gleymst að slökkva á fjarstýringunni þegar fyrverandi ráðamenn bankanna stukku úr landi með eigur almennings. Hvað er eiginlega í gangi?

[Bergljót Gunnarsdóttir, 8.3.2011 kl. 20:34]

Hvernig væri að leggja ofur- ofurskatta á útrásarliðið, það gæti komið sér vel. Setja bara lög um nýja skattlagningu þjófanna og hafa hann 100%  

[Björn Birgisson, 8.3.2011 kl. 20:40]

Takk fyrir innlitin, Bergljót mín. Datt í smá stuð eftir Saltkjöt & Baunir! Er með aðra færslu um bankamennina tilbúna, þegar þessi hefur lekið eins og grýlukerti í hnúkaþey niður efnisyfirlitið hans Davíðs.