Gaman hjá Páli Vilhjálmssyni!

Ég geri svona heldur ráð fyrir því að nokkrir tugir þúsunda Íslendinga lesi Staksteina Morgunblaðsins. Venjan er sú að ritstjórar blaðsins skrifi Staksteina, en undantekningar finnast á því.

Á skömmum tíma hefur það gerst í tvígang að umsjónarmenn Staksteina hafa gripið til þess ráðs að nýta sér bloggfærslur Páls Vilhjálmssonar til birtingar í Staksteinum, sem teljast verður viðurkenning fyrir Pál og staðfesting á því að skoðanir hans og Morgunblaðsins fara ágætlega saman. Það gefur auga leið.

Einn galli er þó á gjöf Njarðar.

Staksteinar vitna ekki til bloggs Páls. Heldur er yfirskriftin svona: Páll Vilhjálmsson skrifar: ... og svo kemur texti Páls, tekinn orðréttur af blogginu hans. Ágætur texti, en umdeilanlegur eins og góð bloggfærsla á að vera.

Þar sem ég geri ráð fyrir að nokkrir tugir þúsunda lesi Staksteina, en aðeins lítið brot af þeim lesi Moggabloggið, þá er hætt við að misskilningur myndist.

Nú halda örugglega nokkur þúsund Morgunblaðslesenda að Páll Vilhjálmsson sé orðinn aðstoðarritstjóri Morgunblaðsins!

Gaman hjá Páli!

Athugasemdir

[Hrafn Arnarson (IP-tala skráð) 17.3.2011 kl. 17:37]

Við skulum ekki gera grín að Páli þegar hann stendur á hátindi ferils síns sem ekki Baugsmiðill.

[Björn Birgisson, 17.3.2011 kl. 17:45]

Grín? Þetta er rosaleg upphefð fyrir hann. Ætli Davíð sé í vetrarfríi eða nenni þessu bara ekki?

[Jón Óskarsson (IP-tala skráð) 17.3.2011 kl. 17:57]

"Það sem helst hann varast vann..." o.s.frv.

[Gunnlaugur Ingvarsson (IP-tala skráð) 17.3.2011 kl. 20:43]

Páll er virkilega flottur penni og menn ættu ekki að velta sér upp úr því að gera grín að honum ! 

[Björn Birgisson, 17.3.2011 kl. 21:14]

Gunnlaugur, gera grín? Hver er að því? Ef eitthvert grín er hér byggist það á HHG syndróminu að fara frjálslega með heimildir sínar, eins og Mogginn gerði í þessum tilvikum.