Hvað fólki finnst um Landeyjahöfn, niðurstaða könnunar

Landeyjahöfn er mikið í fréttum og verður það vafalítið lengi enn. Þar moka menn sandi í beinni keppni við Atlantshafið og þunga strauma þess með suðurströnd landsins. Einhver sagði að jafn mikill sandur væri þarna og í hálfri Sahara eyðimörkinni - og alltaf bættist við!

Hér koma úrslit könnunar sem ég gerði á síðunni minni um þetta mál:

Var hugmyndin að gerð Landeyjahafnar:

Ágæt sögðu: 16,0%

Nokkuð góð sögðu: 11,7%

Frekar slæm sögðu: 14,9%

Afleit sögðu: 57,4%

100 höfðu svarað þegar ég rauf könnunina.

Samandregið má líka segja þetta svona:

27,7% eru þokkalega ánægð með framkvæmdina, en 72,3% telja hana næstum eða algjörlega misheppnaða.

Athugasemdir

[Hrafn Arnarson (IP-tala skráð) 20.3.2011 kl. 21:50]

Þeir sem vilja áreiðanlegar kannanir vita hvert á að snúa sér. En af hverju var könnunin rofin svona fljótt?

[Björn Birgisson, 20.3.2011 kl. 22:02]

Hrafn Arnarson, því er fljótsvarað. Umferðin hér á Moggabloggi er orðin eins og götuumferð á Evróvisjón kvöldi. Ég veitti því athygli að eftir u.þ.b. 30 atkvæði breyttust hlutföllin nánast ekkert. Svo nenni ég ekki að hanga lengi yfir hlutunum! Vil alltaf leita á nýjar lendur, koma sem víðast við og fjalla um sem flest! Angra sem flesta af þeim dreggjum frjálshyggjunnar, sem enn hanga hér inni í skjóli leiðtogans mikla!