Grásleppuveiðar og brottkast bolta þorsksins

"Nokkuð hefur fengist af þorski og öðrum meðafla í grásleppunet undanfarið og fregnir verið um að hluti þessa afla skilaði sér ekki á land."

Ráðuneyti sjávarútvegsmála telur enga ástæðu til aðgerða.

Vita menn að grásleppubátur, sem engan á þorskkvótann, má ekki koma með einn þorsk að landi? Vita menn að í grásleppunetin kemur aðeins stærsti þorskurinn? Bestu hrygningarbeljurnar?

Af samtölum við kunnuga má ráða að 2000-3000 tonnum af úrvalsþorski sé hent á hverri grásleppuvertíð. Sem er ógnarmagn, að verðmæti 700-1000 milljónir.

Lausnin er einföld.

Það fær enginn grásleppuleyfi nema að eiga 10-20 tonna þorskkvóta, eða hafa þau tonn á leigu.

Þorskurinn syndir í þessi net hvað sem Fiskistofa og ráðherrann segja.

Svo duglegur er hann við það að mestur tími grásleppukarlana fer í að henda honum fyrir borð.

Allt tveggja handa boltum.

 

Fiskistofa fylgist með grásleppukörlum

Athugasemdir

[Axel Jóhann Hallgrímsson, 29.3.2011 kl. 12:47]

Þetta er aðeins eitt dæmið um vitfirringuna í þessu kerfi. Það ættu allir að sjá, jafnvel þeir tregustu í ráðuneytinu, að eitthvað gengur ekki upp þegar mönnum er bannað að kasta fiski en refsað fyrir að kasta honum ekki og koma með hann í land. Það þarf auðvitað að fylgja smá kvóti af öðrum fiski hverju grásleppuleyfi. Það er ekki hægt núna að krefjast þess að þeir aðilar leigi eða kaupi sér kvóta. Ég er hræddur um að margir grásleppukarlar yrðu að hætta, verði það ofaná.

Mér finnst að Hafró ætti að verðlauna þá garpa sem eru svo lunknir við veiðarnar að þeir landa aldrei öðru en verðmesta fiskinum, meðan aðrir á sömu slóð þurfa að sætta sig við að fá alla stærðaflokka og tegundir.