Verða örlög Íslendinga þau sömu og Rómverja hinna fornu?

Löngum hefur verið sagt að heimsveldi Rómverja hinna fornu hafi hrunið vegna spillingar. Ekki hvað síst siðspillingar ráðandi aðila, sem smitaði sér til þegnanna, með þeim afleiðingum að gott og göfugt siðferði var aflagt og siðferði spilltra fýsna og spillingar náði yfirhöndinni og þar með var leiðin til glötunar vörðuð svo vandlega að aðrar leiðir voru ekki færar.

Rómverjar? Ekki áttu þeir Völu Grand! Ekki áttu þeir frjálslegustu löggjöf í heimi um samkynhneigða, transfólk og annað fólk sem ekki samsamar sig náttúrunni, eins og flestum þykir eðlilegast.

Nei, en þeir áttu kellingar, kalla, börn og dýr og endalausar fýsnir til alls þessa.

Spilling leiðir alltaf til hruns og rotinna hugsana sem hægt og bítandi innsigla hrunið.

Ísland, land elds og ísa. Fallega náttúruperlan í Norður Atlantshafinu. Landið okkar.

Er Ísland spillt land?

Alveg örugglega, ekki þó eins spillt og ríki Rómverja forðum, en saman dregur í samanburðinum.

Lítum á það.

Í aldanna rás hafa Íslendingar verið duglegir og vinnufúsir, tekið öllum boðum um vinnu sem bauðst. Til að framfleyta sér og sínum. Til að vinna fyrir salti í grautinn.

Það er breytt.

Þúsundum saman flykkjast nú Íslendingar á bætur. Örorkubætur og atvinnuleysisbætur. Þótt heilsan sé þokkaleg og vinnufærni óumdeilanleg, ef til vill eitthvað skert. Þótt atvinna sé í boði.

Nei, nú skulu aðrir borga.

Af því að ég á rétt á bótum!

Hvaðan kemur sá réttur? Hvaðan kemur rétturinn til að seilast í pyngju annarra?

*********************

Nú er verið að reyna að semja um kaup og kjör alþýðu þessa lands. Ríkisstjórnin lofar fleiri störfum.

Fyrir hverja?

Íslendinga sem nenna ekki eða vilja ekki vinna?

Nei, það er ljóst að með hverju starfi sem hér bætist við, fjölgar um einn Íslending á bótum og jafnframt fjölgar þá um einn Pólverja í starfi hérlendis.

Ýkt mynd vissulega, ég viðurkenni það fúslega, en hvert erum við að stefna?

Veldi Rómverja féll vissulega, en eg spyr:

Á hvaða leið eru Íslendingar?

 

 

Athugasemdir

[karl (IP-tala skráð) 3.4.2011 kl. 07:40]

 þeir sem hafa því miður lent í þeirri slæmustöðu aþ þurfa að þygja bætur af samfjélginnu hafa sem betur fer verið skatt greiðendur áður og fá í flestutilfellum lítin hluta bóta sinna þaðan sem eru í flestum tilfellum  skattlagt.  Heldur frá lífeyrisjóðum sem þeir hafa greytt í samviskusamlega og var skattlagt hér áður fyrr líka og svo aftur núna. Vona þú að fáir ekki neina slæmsku í golfhendina sem leiði til öroku því þaðð er ekki eftir sóknar vert að detta í 56% af fyri tekjum + skerðingar af völdum svo kallaðra hagræðinga sjóða um jafnvel allt að 20 % á einu ári + skerðina frá TR að auki. En það er um hugsunarefni hlutur þeirra sem fá 70% af háum launum og hann hugsa ég að sé að valda okkur ama í dag því þar kemur allt úr ríkissjóði