Gaman hjá honum bráðungum manninum að fá níræða kerlingu í framhaldslífinu!

Trúmál yfirleitt eru mér framandi heimur og oft og tíðum heimur sem veldur mér hneykslan. Ég get til dæmis nákvæmlega ekkert jákvætt séð við Islam, trúarbrögð muslima. Hreint ekki nokkurn skapaðan hlut. Finnst reyndar sem óþverri og mannvonska hafi þar alla yfirhönd.

Ætli fræðimönnum á sviði trúmála og stjórnmála muni ekki reynast það létt verk að tengja saman Islam og þá ógnaröld sem nú ríkir í norðanverðri Afríku? Muslimar þekkja ekki lýðræði og jafnrétti kynjanna. Islam gerir ekkert í að hjálpa þeim í þeim efnum. Hreint ekki. En skítt með það í bili.

Fjölmargir kristnir trúa á framhaldslíf.

Allir vita að meðalmannsævin er 70 til 80 ár. Svo deyr fólkið drottni sínum, útfararstjórum, klerkum og kórum til tekna, en aðstandendum til tára, söknuðar og útgjalda. Svo læknar tíminn flest sár.

Það kostar víst um eina milljón að deyja almennilega á Íslandi í dag.

Þegar maki er löngu farinn og eftirlifandi andast er oft sagt:

Nú hittast þau loksins!

Skoðum það aðeins.

Flugmaður ferst 35 ára við störf sín. Tekur sitt síðasta flug til himna með fullum réttindum. Ekkjan deyr í hárri elli, níræð.

Svo hittast þau.

Gaman hjá honum bráðungum manninum að fá níræða kerlingu í framhaldslífinu!

Þetta gengur engan veginn upp.

Sá ungi hlýtur að vera kominn með nýja dömu og sú gamla hlýtur að fara lóðbeint á elliheimili himnanna. Ef ekki, gengur framhaldslífið alls ekki upp!

Annað.

Ef fólk lifir hér á jörð í 70-80 ár, hvað lifir það lengi í framhaldslífinu?

Til eilífðar?

Af hverju má ekki dauðinn vera bara dauði?

Endapunktur lífsins, sem hann auðvitað er.

 

Athugasemdir

[Haukur Kristinsson (IP-tala skráð) 2.4.2011 kl. 20:33]

There is in every village a torch - the teacher:

and an extinguisher - the clergyman.

Victor Hugo

[Björn Birgisson, 2.4.2011 kl. 20:40]

Takk Haukur, viltu tjá þig eitthvað nánar um þetta?

[Haukur Kristinsson (IP-tala skráð) 2.4.2011 kl. 21:07]

Já, Björn, það er kannski ekki sanngjarnt að setja á prent svona tilvitnun. En hún er frá Victor Hugo, sem þó átti sinn ágæta “clergyman”, Myriel biskup, sem gaf Jean Valjean kertastjakana, sem hann hafð stolið (“Les Miserables”). En Victor Hugo vill meina að það sé kennarinn, sem haldi á lofti kyndil menntunnar, en að það

sé presturinn, sem slekkur þann eld. En eins og ég sagði, svona alhæfingar eiga ekki rétt á sér.  

[Kolbrún Stefánsdóttir, 2.4.2011 kl. 21:34]

Minn kæri bloggvinur. Veistu ekki hvernig þetta virkar?  Hér kemur mín kenning sem ég hef ótal "hint" um að sé rétt.

Þegar maður deyr úr þessu lífi rennur æviskeiðið eins og myndband í gegnum hugann og þá velur maður sér þann stað sem hann var hamingjusamastur og það verður birtingarmyndin í næsta lífi og þar byrjar hann.

Þeir sem deyja ungir hafa náð þeim þroska sem þarf til að komast áfram

Það eru nánast engar líkur á að maður fari á " elliheimili himnaríkis" því maður er ekki hamingjusamastur um nírætt. Allir finna sér nýjan maka og þegar "gamli" mætir í himnaríki finnst honum það hið eðlilegasta mál og finnur sér annan lífsförunaut.

Í framhaldslífinu ræðst það af þroskahraða viðkomandi hvað hann er langan tíma þar, alveg eins og í þessu lífi. Tíminn er þó langoftast styttri en í þessu lífi,  þ,e, allt annað tímaviðmið.

Í framhaldslífinu sjá hinir framliðnu okkur þó við sjáum þá ekki ( yfirleitt ).

Svo þú getur hætt að hugsa um helvíti og væntanlegt pláss þar minn kæri... það er ekkert helvíti til nema á jörðu niðri

Skemmtileg færsla hjá þér eins og oft áður kveðja Kolla  

[Sigurður I B Guðmundsson, 2.4.2011 kl. 22:05]

Þú ert gamansamur í dag. Hvert "gull"bloggið eftir öðru!!

[Haukur Kristinsson (IP-tala skráð) 2.4.2011 kl. 22:06]

Vá, var að lesa Curriculum Vitae Kollu. Dugleg stúlka. Einnig pilot. 

[Björn Birgisson, 2.4.2011 kl. 22:17]

Elsku vinir, innlegg ykkar eru mér gjörsamlega ómetanleg. Nú þarf ég ekki að taka nein bætiefni á morgun!

Kolla, Haukur, Sigurður, ástarþakkir!

PS. Set eitt blogg inn í kvöld. Fegurð þess felst öll í ljótleikanum!

[Hrólfur Þ Hraundal, 2.4.2011 kl. 22:48]

Þetta var ágæt hjá þér Björn,  ég hef löngum verið meðmæltur algeru trúfrelsi en er mjög efins orðin vegna múslímanna.  Þeir eru svo andskoti mandrápsglaðir og hinir sem standa hjá fordæma morðingjana ekki einu sinni.   En auðvita er líka til hið vænsta fólk  sem aðhyllist Íslam og segir fussum svei við morðum en svo ekkert meira.

[Kolbrún Stefánsdóttir, 2.4.2011 kl. 22:51]

Takk Haukur einkum fyrir kommentið dugleg "stelpa"  en ég er og verð alltaf síldarstúlka