Hvað kostar? Hvað kostar? Hvað kostar?

"Umboðsmaður Alþingis hefur skrifað fjármálaráðuneytinu bréf og beðið um nánari skýringar á því hvers vegna fjölmiðlar hafa ekki fengið upplýsingar um kostnað við gerð nýjustu Icesave-samninganna."

Þá er þessi vælukjóasöngur hafinn! Hvað kostaði að gera samninginn? Auðvitað kostaði það peninga, líklega bara nokkurn slatta af peningum. Í samninganefndinni okkar voru sérfræðingar sem gefa alls ekki vinnuna sína og eiga ekki að gera það. Þeir náðu að flestra mati ágætum samningi og fyrir það þarf að greiða.

Hvað kostar? Hvað kostar? Hvað kostar?

Minnir mig á fólk sem sér nágranna sinn renna í hlað á nýjum bíl, hleypur til hans og spyr:

Hvað kostaði hann?

Ekkert til hamingju með nýja bílinn, enda hvati spurningarinnar eingöngu sprottinn af neikvæðni einni saman. Ef ekki öfund líka.

Vill skýringar fjármálaráðuneytis

Athugasemdir

[Viggó Jörgensson, 5.4.2011 kl. 16:42]

Já herra minn. 

Hver verður endanleg niðurstaða í krónum talið? 

Ef allt er reiknað getur þessi icesave III samningur kostað okkur 90 miljarða 

en ekki bara hluta af því.  

Veistu hvað þetta verður mikið? 

[Björn Birgisson, 5.4.2011 kl. 16:47]

Ekki græna glóru! Hef ekkert fylgst með þessu máli!

[Viggó Jörgensson, 5.4.2011 kl. 17:20]

Ég skil vel að þú styðjir þína vinstri stjórn.

En ætlarðu að styðja þennan sjúklega lygara Steingrím, út yfir gröf og dauða?  

[Björn Birgisson, 5.4.2011 kl. 17:26]

 "út yfir gröf og dauða?" Er það hægt?

[Anna Sigríður Guðmundsdóttir, 5.4.2011 kl. 18:07]

Björn. Ábyrgðin er núna á herðum almennings Íslands í þessari þjóðaratkvæðagreiðslu.

 Þeirri ábyrgð fylgir gífurlega þungur réttlætis-ábyrgðar-baggi á alheims-þjóða-vísu.

 Ekki bara skiptir atkvæðagreiðslan máli fyrir okkur Íslendinga heldur svikið og rænt fólk út um alla Evrópu og jafnvel í USA!

 Réttlætið verður að ráða í þessari atkvæðagreiðslu. Ekki fyrir okkur Íslendinga eina og sér heldur heims-samstarfið allt! Skilur þú þetta ekki?

 M.b.kv.

[Björn Birgisson, 5.4.2011 kl. 18:19]

Anna Sigríður, ég skil frekar fátt og botna hreinlega ekkert í þessu Icesave máli, frekar en helstu sérfræðingarnir í málinu. Nokkurn veginn 50:50 hjá þeim! Hvernig skilur þú það?

Ekki vissi ég að mitt atkvæði gæti bjargað hálfum heiminum!

[Björn Birgisson, 5.4.2011 kl. 18:28]

Viggó, eru lygar Steingríms nokkuð verri en aðrar lygar? Lygar og blekkingar hafa alltaf verið sérgrein stjórnmálamanna í öllum flokkum. Hefur það nokkuð breyst?

[Viggó Jörgensson, 5.4.2011 kl. 18:37]

Það er rétt Bjössi en við þurfum að kjósa öðru vísi stjórnmálamenn í framtíðinni. 

Ætlar þú í framboð næst?

[Björn Birgisson, 5.4.2011 kl. 18:43]

Framboð? Góður!  

[Stefán Júlíusson (IP-tala skráð) 6.4.2011 kl. 07:12]

Það er alveg ljóst að þeir sem höfnuðu Icesave II samningnum eiga að greiða fyrir Icesave III samningagerðina.

Þannig að ég vona að þetta verði hár reikningur.

[Númi (IP-tala skráð) 6.4.2011 kl. 09:42]

Viskubrunnurinn Stefán Júlíusson mættur,í bloggi hjá sér þann 13/2 síðastliðin ritaði þessi Stefán eftirfarandi.

            ´´Íslendingar þurfa ekki að borga Icesave,heldur Íslenska ríkið´´

[Stefán Júlíusson (IP-tala skráð) 6.4.2011 kl. 10:17]

Númi minn,  það sýnir alveg svakalegan þroskabrest að skilja ekki hvað þessi setning þýðir.  Enn meiri að þú tönglast á þessari einu setningu í marga mánuði.  Greyið.