Borgarstjóri í draggi

Óvæntur gestur birtist á opnunarhátíð Hinsegin daga í Íslensku óperunni í kvöld. Það var borgarstjóri Múminálfanna, sjálfur Jón Gnarr. Herra borgarstjóri Reykvíkinga, klæddur eins og dragdrottning. Eins og hver önnur drottning með glott á vör!

Ég þarf enn að klípa mig í handleggina. Eru kosningarnar afstaðnar? Er Jón Gnarr borgarstjóri í Reykjavík? Tell me seven times!

Sumt er auðvitað ótrúlegra en annað og þegar það ótrúlegasta verður að sannleika og staðreyndum setur settlega borgara hljóða, en aðrir brosa í kampinn.

Reykjavík er orðin Kardimommubærinn í villtustu draumum Kaspers, Jespers og Jónatans.

Bastían bæjarfógeti, Dagur og Hanna Birna glotta út í annað.

Svona er Reykjavík í dag!

 

Óvæntur gestur

Athugasemdir

[Óðinn Thor (IP-tala skráð) 6.8.2010 kl. 00:37]

Eins best og ég get séð þá er hann að sýna samkynhneigðu fólki stuðning á þeirra dögum?

Er eitthvað að því ef ég mætti spurja?

[Þórdís Brynjólfsdóttir (IP-tala skráð) 6.8.2010 kl. 00:51]

Voðalega er fólk alvörugefið eitthvað.

Þarf fólk að missa trúverðugleika og virðingu þó það kunni að skemmta sér og öðrum?

Mér finnst þetta bara flott hjá honum. 

[Guðrún (IP-tala skráð) 6.8.2010 kl. 01:02]

Betra skilið ?

Saknarðu þess að hafa uppskrúfaðan borgarstjóra í Boss jakkafötum sem aldrei sést.

Hvað er að ?

Ég er stolt af því að vera Reykvíkingur þessa stundina.

Brosa !

[Davíð (IP-tala skráð) 6.8.2010 kl. 13:05]

Eru menn strax farnir að sakna hnífstungna og þess að hafa 3-4 borgarstjóra á launum. 

Jóni Gnarr hefur tekist að fá Hönnu Birnu og Dag til að starfa saman það verður nú að teljast afrek ;)

[Björn Birgisson, 6.8.2010 kl. 15:09]

Þakka öllum innlitið! Góða helgi!