Verkfall í kreppunni?

"Arnar Hjaltalín segist vongóður um að ekki komi til verkfalls. „Það er nú einu sinni okkar hlutverk, bæði hjá Samtökum atvinnulífsins og hjá okkur, að semja. Þannig að við erum vongóð um að þetta leysist."

Verkfall í kreppunni? Einhver sagði að þarna ættu rúmlega 60 launþegar í bræðslum hlut að máli og að þeir væru óravegu frá því að teljast láglaunamenn. Ekki hef ég kíkt í launaumslögin þeirra. 

Gangi loðnuveiðar og vinnsla vel er talað um allt að 15 milljarða króna verðmæti.

Verkfallsvopnið er sagt nokkuð heilagt, en sagan kennir okkur að þegar svona lítil þúfa ætlar sér að velta svo þungu hlassi, þá segir löggjafinn hingað og ekki lengra.

Deiluaðilar! Leysið þetta mál í einum grænum hvelli!

Vonar að ekki komi til verkfalls

Athugasemdir

[Axel Jóhann Hallgrímsson, 27.1.2011 kl. 12:00]

Þetta verkfallsmál er óneitanlega orðið nokkuð snúið en býsna broslegt þegar nánar er að gáð. Atvinnurekendur keppast núna, hver um annan þveran, að básúna út hvaða verðmæti fari í súginn, verði af boðuðu verkfalli. Og að venju horfa Samtök atvinnulífsins bænaraugum til ríkisvaldsins að það stöðvi verkfallið með lögum á þeirri forsendu að bjarga verði verðmætunum.

En hvernig er staðan? Hafa Samtök atvinnulífsins ekki skotið sig í fótinn í málinu? Þau hafa sagt að engir kjarasamningar verði gerðir nema fyrir liggi sú lausn í kvótamálunum sem útvegsmönnum væri þóknanleg. Halda þessir háu herrar, með þessa kröfu á oddinum, að þeir geti kallað eftir lögum á verkfallið, lagasetningu sem myndi um leið skjóta í kaf eitt aðalmál ríkisstjórnarinnar, sem er uppstokkun kvótakerfisins?

[Björn Birgisson, 27.1.2011 kl. 14:26]

Pattstaða?

[Axel Jóhann Hallgrímsson, 27.1.2011 kl. 18:21]

Eða sístaða?

[Bergljót Gunnarsdóttir, 28.1.2011 kl. 03:51]

Hvað þýðir sístaða?

[Axel Jóhann Hallgrímsson, 29.1.2011 kl. 00:47]

http://is.wikipedia.org/wiki/S%C3%ADsta%C3%B0a

[Bergljót Gunnarsdóttir, 29.1.2011 kl. 01:41]

Ja há, vitið er ekki meira en guð gaf.

Þetta kom mér bara nokkuð á óvart.

Smá leirbull í tilefni af því.

Semjum strax við Drífanda,

af supergreind og ístöðu.

Há launin hækki í rífanda.

Hættum allri sístöðu.

[Björn Birgisson, 29.1.2011 kl. 01:56]

Bergljót mín, þegar þú ákveður að gefa ljóðin þín út, vil ég gjarnan gerast hluthafi. Gróðavonin blasir við! Var að panta ferð á Kanarí út á þetta! Endilega haltu áfram að yrkja, svo ég komist heim!

[Bergljót Gunnarsdóttir, 29.1.2011 kl. 02:09]

Og þá hló Marbendill!    Skal reyna að sjá til þess.

[Bergljót Gunnarsdóttir, 29.1.2011 kl. 02:10]

[Björn Birgisson, 29.1.2011 kl. 02:14]

Takk fyrir það!

[Bergljót Gunnarsdóttir, 29.1.2011 kl. 03:07]

 ooooooooooooooooooooooooo

oooooooooooooooooooooooooo     Ég held að skáldgyðjan sé alveg æsta að sanda þig til Kanarí 

oooooooooooooooooooooooooo 

Björn minn þá ert besta skinn.

Brátt þú ferð til Kanarí.

Semja verð ég nú um sinn,

svo verði ekkert havarí.

Karlinn þarf að komast heim,

kunnugt mér er vel um það.

Skrifa hratt með þungum seim,

svo aftur komist heim á hlað.

Góða nótt!